राजु सुब्बा –
बेलायत, नेपाल आदिवासी जनजाति पत्रकार महासङ्घ, (फोनिज) युकेको एकदिने गोष्ठी एवं प्रशिक्षण कार्यक्रम अप्रिल २२ तारिख सम्पन्न भएको छ।
पत्रकार नरेश खपाङ्गीले आधारभूत पत्रकारिता र युकेमा नेपाली पत्रकारिता विषयक प्रशिक्षण दिनुभयो भने सिनियर पत्रकार सोनाम छिरिङ शेर्पाले रेडियो पत्रकारितामा हासिल गरेको अनुभव बाड्नु भयो । त्यस्तै गरि आमन्त्रित केन्ट्रीस एक्सप्रेसका पत्रकार एैडन बरलोले युकेको पत्रकारिता बारेमा विस्तृत जानकारी र पत्रकारिताका नियम कानुन एवं गोर्खालीहरुका बारेमा चासो गरिएको विषयहरुको बारेमा जानकारी गराउनु भयो ।
नेपाल आदिवासी जनजाति महासङ्घ युकेका अध्यक्ष तुल छन्त्याल र सिनियर पत्रकार शेर्पाले सयुक्त रुपमा दिप प्रज्वलन गरि कार्यक्रमको शुरुवात गर्नुभयो । समाजका अग्रज नेतृत्व र पत्रकारहरु मात्र सहभागि गोष्ठिमा पत्रकारिताका चुनौती र सम्भावना विषयमा ब्यापक छलफल भएको थियो । मिडियाहरु प्रति पाठक, श्रोता र दर्शकहरुको गुनासो तथा जिज्ञासा र वहाहरु प्रति संचारकर्मीहरुको गुनासो सुन्ने र सुनाउने कार्यभयो ।
जनजाति महासङ्घका वरिष्ठ उपाध्यक्ष जंग सुनुवार, महासचिव कर्म पहाडी शेर्पा, जनजाति महासङ्घका पूर्व अध्यक्ष सिरीप्रसाद लिम्बु, आसफोर्ड नेपलिज कम्युनिटीका महासचिव डम्बर सिंगक, एनआरएन युकेका प्रवक्ता खुसि लिम्बु लगायतले गुनासा, जिज्ञासा र सुझाव राख्नु भएको थियो ।
फोनिजमा आबद्ध ११ जातिय उत्थान पत्रकारहरु संगठनहरुलाई युकेमा समेत स्थापना गर्ने सिलशिलामा लिम्बु पत्रकार सङ्घ युकेको संयोजकमा पत्रकार अमित थेवेलाई चयन गरयो । त्यस्तैगरि अन्तरराष्ट्रिय पत्रकार महासङ्घ, ब्रसेल्सको सदस्यतापत्र पत्रकार सुरेन्द्र इङनामलाई प्रशिक्षक खपाङ्गीले हस्तान्तरण गर्नुभयो ।
फोनिज युकेका अध्यक्ष विश्वास दीप तिगेलाले अध्यक्षता गर्नुभएको कार्यक्रमलाई महासचिव प्रमिला लाबुङराईले संचालन गर्नुभएको थियो । फोनिज युकेको दोस्रो महाधिवेशन जुलाईको अन्तिम हप्ता हुने जनाईएको छ । प्रशिक्षक खपाङ्गी नेपाल पत्रकार महासङ्घ युकेका अध्यक्ष समेत हुन ।
प्रथम नेपाल स्टार चेम्जोङको सागीतिक यात्रा आसफोर्डमा भब्य प्रस्तुती
गत २२ अप्रिल २०१७ का साँझ आसफोर्डको साइमण्ड चर्चहलमा नेपालबाट आएका कलाकार समुहले भब्य सागीतिक प्रस्तुती गरे ।
प्रथम नेपाल स्टार विजेता विष्णु चेम्जोङले र सरला राईले भब्य नचाएका थिए भने हाँस्यब्यग्यकर्मी दमन रुपाखेती र राई बुढा पर्वन राईले बेस्सरी हसाए । हाँस्यब्यग्यको प्रस्तुतीलाई भने भिडियो खिच्न निषेध गरिएको थियो । उपस्थिती सबैले भरपुर मनोरन्जन लिएका छन् ।
सांगीतिक यात्राका संयोजक भरुपलका अनुसार उहाँहरुको कार्यक्रम युकेब्यापी हुदैछ।
