सुर्य चन्द-
काठमाडौँ : खुम्बु कोल्स्च ग्लोबल नेपाली फिल्म अवार्डको दोस्रो संस्करण यहि भदौ ३ मा अमेरिकाको कोलोराडोमा आयोजना हुने भएको छ।

अमेरिकाको कोलोराडोमा हुन लागेको उक्त ग्लोबल नेपाली फिल्म अवार्डको तयारीको लागि अहिले आयोजक संस्था लागि परेको छ भने तयारी पनि तिब्र रुपमा सम्पन्न गर्दै अन्तिम चरणमा पुगेको छ। २०१६ मा पहिलो पटक अमेरिकामा आयोजना भएको अवार्डको ख्यातिसंगै संसारभरका नेपालीहरुले उक्त ग्लोबल नेपाली फिल्म अवार्डलाइ चासोको साथ महत्व पनि दिएका छन्।

खुम्बु कोल्स्च ग्लोबल नेपाली फिल्म अवार्डको दोस्रो संस्करणमा संसारभर छरिएर बसेका नेपाली कलाकारहरुको जमघट हुने र मुख्यतया क्यानडा, अस्ट्रेलिया, बेल्जियम, जर्मन, लन्डन, जापान फ्रान्स, ईटलि तथा बिस्वको विभिन्न देशहरु बाट आउने सम्पुर्ण नेपाली कलाकारहरुको उपस्थितिमा सम्पन्न हुन लागेको यस अवार्ड नेपाली कलाकारहरुको लागि महाकुम्भनै हुन सक्ने जानकारहरु बताउछन्।

नेपाल तथा अमेरिकाको ७० औ फ्रेन्डशिप साठगाठ बर्ष मनाउने सुअबसरमा हुन गईरहेको यस खुम्बु कोल्स्च ग्लोबल नेपाली फिल्म अवार्डको दोस्रो संस्करणले दुई देश बिचको सम्बन्धलाई अझ प्रगाढ बनाउने र दुइ देश बिचको भाषा संस्कृतिलाई तथा चलचित्रलाई अन्तर्राष्ट्रिय स्तरमा अझ मजबुत बनाउन सहयोग पुग्ने कुरा अधक्ष्य श्रेष्ठ बताउंछन्।

नेपाली चलचित्र गाउंदेखि विश्वसम्म भन्ने नाराका साथ नेपाली चलचित्रलाई अन्तर्राष्ट्रिय स्तरमा प्रचारप्रसार र प्रर्दशन प्रबर्धन गरि नेपाली कला सस्कृतिलाई बिश्वसामु चिनाउने उद्धेश्यले कोलोराडोमा आयोजना हुदै आएको ग्लोबल नेपाली फिल्म अवार्ड आगामी दिनहरुमा विश्वको अन्य मुलुकहरुमा समेत आयोजना गर्दै लैजाने कुरा पनि अध्यक्ष तथा नायक नबराज श्रेष्ठले बताए। तेस्रो संस्करण भने अस्ट्रेलिया अथवा दुबईमा हुन सक्ने श्रेष्ठले बताए।

नेपाल फिल्म सोसाइटीले पहिलो खुम्बु कोल्स्च ग्लोबल नेपाली फिल्म अवार्ड गत वर्षको नोभेम्बर १२ मा अमेरिकाको कोलोराडो राज्यको डेन्भरमा सम्पन्न गरेको थियो। दोस्रो संस्करणको अवार्ड सोही स्थानको होटेल क्राउन प्लाजामा गरिने जनाइएको छ। नेपाल फिल्म सोसाइटी र ग्लोबल नेपाली फिल्मी अवार्ड कमिटीको संयुक्त आयोजनामा हुने यसपालिको अवार्ड पनि भव्यताका साथ सम्पन्न गरिने भएको छ भने उक्त अवार्डको संयोजकमा संचारकर्मी शैलेश पोखरेल रहेका छन् भने आयोजक समितिका अधक्ष्य नायक नबराज श्रेष्ठ रहेका छन् । उक्त कार्यक्रमको मुख्य प्रायोजकमा शेर्पा ब्रुअरी तथा सह प्रायोजकमा सिटौला ब्रदर्स रहेका श्रेष्ठले बताए। अवार्ड कार्यक्रममा नेपालबाट नेपाल फिल्म सोसाइटीका अध्यक्ष कृष्ण मल्ल र निर्माता नायक मदु कुमार श्रेष्ठ आयोजक कमिटिमा रहेका छन्।





















Comments

comments