एचकेनेपाल डट कम संवाददाता-
काठमाडौं, ४ माघ। आइसिसी वर्ल्ड क्रिकेट लिग डिभिजन २ को दोश्रो खेलमा नेदरल्याण्ड्सलाई २ विकेटले पराजित गर्दै नेपाल विजयी भएको छ।
नामिबियामा आज आइतवार भएको खेलमा जितका लागि पाएको १ सय ५९ रनको लक्ष्य नेपालले खेल सकिन ३ बल बाँकी छँदा ८ विकेट गुमाएर भेट्टाएको थियो। पहिले ब्याटिङ्ग गरेको नेदरल्याण्डस ४९ दशमलव ५ ओभरमा अल आउट हुँदै १ सय ५८ रनमा समेटिएको थियो।
आफ्नो पहिलो खेलमा नेपाल हिजो शनिवार युगान्डासँग २ रनले पराजित भएको थियो।
