धरान । धरानका पुरानो ब्याण्ड मिक्स मेलोडीका गायक संजिब लामा अहिले प्रवासमै रहे पनि नेपाली गीतसंगीत क्षेत्रलाई छोड्न सकेका छैनन्।
उनी विदेशमा रहंदा होस् या स्वदेशमा राहेको बेला, आफ्नो केही न केही सृजना स्रोतामाझ पस्केका नै हुन्छन्। यो पालि भने आफ्नो गृहनगर धरान आएको समयमा कोरोनाको कारणले धरानमै लकडाउनमा परे। उनले यही लकडाउनलाई सदुपयोग गर्दै यसपाली धरानका सङ्गीतकर्मीहरु रोहित मास्के, हेम सुब्बा , मनोज मोतेसंग बिभिन्न गीत रेकर्ड गर्नुको साथै संदेशमूलक भिडियो समेत निकाले। यो संगै उनले आफ्ना अधुरा थुप्रै गीतहरु रेकर्ड गरे भने दुई गीतहरु रेकर्ड गरि भिडियो समेत तयार गरेका छन्।
” जब घाम डुब्छ म हुन्छु खुशी
के तिम्रो साथमा छ
मेरो जूनतारा , जूनतारा ”
प्रशान्त तामांगको छायांकन र सम्पादन रहेको गीतको भिडियो गायक लामा स्वयम्को निर्देशन रहेको छ। उनले आफ्नो पुरानो गीत लौ है माया नमार घुम्न जाउँ धरानको समेत रिरेकर्ड गरेर भिडियो तयार गरेका छन्। उक्त भिडियो चै दसैं तिहारपछि रिलिज गर्ने तयारीमा छन्। म्युजिक भिडियो लिंक:
हङकङमा नेपालीलाई १३ वर्ष जेल सजाय