जर्मन, सामान्यतया पुरुषले महिलालाई बलात्कार गरेको घटना समाजमा व्याप्त छन्। यौनको प्यासलाई नियन्त्रण गर्न नसक्दा कतिपय पुरुषले नाबालिकादेखि बृद्धालाईसमेत बलात्कार गरेको घटना बेला बेलामा सार्वजनिक हुने गरेका छन्।
तर, सबै बलात्कारका घटनामा पुरुषकोमात्र हात हुँदैन। जर्मनमा एक २८ वर्षकी महिलाले एक नाबालक बालकसँग शारीरिक सम्पर्क राखेको अभियोगमा अदालतले तीन वर्षको कैद फैसला सुनाएको समाचार नागरिक दैनिकमा छ।
अन्तर्राष्ट्रिय संचारमाध्यमका अनुसार केरोलिन सेलिसबरी नामकी महिलाले जर्मनीस्थित ब्रिटिश आर्मी बेस क्याम्पको एक स्कुलमा अध्ययनरत १४ वर्षीय एक बालकसँग पहिला मित्रता कायम गर्दै पछि निकै पटक शारीरिक सम्पर्क गरेकी थिइन।
अदालतले ती महिलालाई गत मार्चमा दुई वर्षको कैद सजाय सुनाएको थियो। तर, पीडित पक्षले सजाय बढाउनलाई दोस्रो पटक अदालतसमक्ष उजुरी दर्ता गराएका थिए।
