प्रेस विज्ञप्तिः

हंगकंगमा महाकवि देवकोटा जयन्ती

विषयः हंगकंगमा महाकवि लक्ष्मीप्रसाद देवकोटाको ९६औं जन्मजयन्ती तथा कविता गोष्ठी
अन्तर्राष्ट्रिय नेपाली साहित्य समाज हंगकंग च्याप्टर र हंगकंग साहित्य परिषदको संयुक्त आयोजनामा गत ७ तारिख नोभेम्बरका दिन हंगकंगमा महाकवि लक्ष्मीप्रसाद देवकोटाको ९६औं जन्मजयन्ती तथा कविता गोष्ठी कार्यक्रम सम्पन्न भयो ।

यहांका नेपाली कवि, साहित्यकार तथा उपस्थित महानुभावहरुद्धारा महाकविको तस्वीरमा माल्यार्पन र फूलका गुच्छाहरु चढाएका थिए । नेपाली साहित्यका शिखर पुरुष महाकविको जन्मजयन्तीले हंगकंगमा एउटा नयां अध्याय थपिएको छ । जसले विदेशमा रहेर पनि नेपाली साहित्य, कला, भाषा र संस्कृत्रिप्रति एकजुट हुने प्रेरणा र हौसला प्रदान गरेको छ । विगतमा केही साहित्यप्रमीहरुले कोठामा ४, ५ जना भेला भएर महाकवि र अन्य साहित्यका शिखर पुरुषहरुको जन्मजयन्ती मनाउंदै आएकोमा अनेसास हंगकंग च्याप्टरको विशेष अग्रसरतामा यसले खुला र व्यापक सहभागिता जुटाएको छ ।