माधवप्रसाद घिमिरे (सचिव -पर्यटन मन्त्रालय)

May 27th, 2007

एचकेनेपाल डट कमको विधिवत समुद्घाटन गरी इन्टरनेटको सञ्जालमा प्रवाहित गरि दिनु हुने त्यही व्यक्तित्वलाई लिएर फेरि मैले नयाँ स्तम्भ च्याट विथ पशन शुरु गरेको छु। उहाँ हुनुहुन्छ संस्कृति, पर्यटन तथा नागरिक उड्डयन मन्त्रालयका सचिव श्री माधवप्रसाद घिमिरे। हङकङमा महावाणिज्यदूतको रुपमा कार्यरत रहंदा सन् २००४ अप्रिल १० तारिख उहाँले एचकेनेपाल डट कमको औपचारिक उद्घाटन गर्नुभएको थियो। एचकेनेपाल डट कमको प्रगतिका लागि सही निर्देश र अभिभावकको भूमिका निर्वाह गर्नु हुने श्री घिमिरेको कार्य क्षमता, निपूणता र योग्यताका कारण देशको महत्वपूर्ण मन्त्रालयको सचिव जस्तो गरिमामय पदमा बढुवा हुनु भै थप जिम्मेवारीसहित नेपाल फर्कनु भएको थियो। (अपडेटः पछि उहाँ गृहमन्त्रीसमेत हुनुभयो।)

करिव ३ वर्षपछि नेपाल सरकार र हङकङ सरकारबीच १९ अक्टोबर, १९९८ मा भएको द्विपक्षीय हवाई सेवा सम्झौतामा पुनरावलोकन गरी नयाँ हवाई सेवा सम्झौता गर्न हालै उहाँको नेतृत्वमा एक टोली हङकङ आएको थियो। यसै क्रममा मैले उहाँको हाल खबर बुझ्न कार्यवाहक महावाणिज्यदूत हेमलाल भट्टराईमार्फत उहाँलाई फोन सम्पर्क गरेको थिएं। त्यस बेला भएका संक्षिप्त सम्वादलाई यहाँ राखिएको छ –

पहिलो दिनः मे २२ मंगलबार २००७
पशनः सर, नमस्कार आराम हुनुहुन्छ?
घिमिरेः नमस्कार, पशनजी ३ वर्षपछि भेट भइयो नि।

पशनः त्यही त सर, अनि व्यस्त त हुनुहुन्न कतै डिस्टर्व त गरिनं?
घिमिरेः मिटिङमा छु, तर छोटो समयको लागि ब्रेक टाइम भएको छ।

पशनः मिटीङ भन्नाले?
घिमिरेः त्यही मिटिङ जुन उद्धेश्यले हामी यहाँ आएका थियौं।

पशनः कुरा कहाँसम्म पुग्यो?
घिमिरेः कुरा टुङ्गि सकेको छैन जारी छ तर अहिले केही समयको लागि ब्रेक टाइम भएको हो।

पशनः त्यसो भए तपाईलाई भोलि फोन सम्पर्क गर्नु पर्ला।
घिमिरेः हुन्छ, मेरो नम्बर टिप्नोस्। यहाँ तुरुन्त फोनको सिम कार्ड पाइन्छ क्यारे त्यही प्रयोग गर्दै छु।
(उहाँले फोन नं. दिनु भयो।)

भोलि पल्ट- मे २३ बुधबार २००७ (फोन सम्वाद)
पशनः सर, नमस्कार
घिमिरेः नमस्कार पशन जी, राम्रो अध्यायको शुरुवात भएको छ। खास गरी नेपालीको लागि। म एकदम खुशी छु। (उहाँले शुरुमै यही सन्दर्भमा केन्द्रीत रहेर कुरा गर्नुभयो।)

पशनः हजुर के के समझदारी भयो?
घिमिरेः मे २२ र २३ तारिख दुई चरणमा भएको वार्तापछि द्विपक्षीय सम्झौतामा केही नयाँ कुराहरु थपिएका छन्। नेपाल र हङकङ दुई पक्षबीच हप्तामा १४/१४ वटा यात्रु सेवा र असिमित पारवाहन सेवा सञ्चालन गरिने सहमति भएको छ। दुबै पक्षबीच ५ वटा इन्टरमिडियट र ५ वटा बियोन्ड पोइन्ट्स गरी बिना पाँचौं स्वतन्त्र उडान सेवा सञ्चालन गर्न सकिने छ।

पशनः त्यसो भए, अब प्राइभेट सेक्टरका हवाई कम्पनीहरुले अवसर पाउंने भए नि?
घिमिरेः अवश्य पनि।

पशनः क्याथे प्यासिफिकको चर्चा निकै चलेको छ। त्यस सम्बन्धी पनि कुराकानी भयो कि?
घिमिरेः हामीले पहिले भएका हवाई सम्झौताको पुनरावलोकन गर्दै नयाँ सहमतिका विषयमा केन्द्रीत रहेर कुरा गर्ने हो। हामीले प्रत्यक्षरुपमा क्याथेसंग कुराकानी या प्रस्ताव राख्ने होइन। हामीले पूर्वाधार मात्र तयार गरिदिने हो। यस विषयमा अर्कै टोलीले पहल गर्ने छ। र अहिले भएका नयाँ सहमतिले प्राइभेट सेक्टरका हवाई कम्पनीहरुलाई पनि प्रोत्साहित गर्छ।

पशनः हङकङ सरकारले नेपालीमाथि लगाएको भिषा प्रतिबन्ध (प्रवेश आज्ञा) बारेमा पनि यहाँहरुले केही कुरा गर्नु भयो कि?
घिमिरेः हामीले यस विषयमा कुराकानी गरेका छौं। दुई देशबीच पर्यटन विकासका सम्भावनालाई ध्यान दिंदै नेपालीमाथि लगाउंदै आएको प्रवेश निषेधउपर पुनरावोलकन गर्न आग्रह गरेका छौं। उहाँहरुले हाम्रा आग्रहलाई सम्बन्धित निकायमा पुर्‍याई दिने बताउंनु भएको छ।

पशनः यहाँहरुले धेरै राम्रो गर्नु भयो यसबाट हङकङमा रहंदै आएका नेपाली निश्चित रुपमा लाभान्वित हुनेछन्। अनि नेपालतिर कहिले प्रस्थान गर्नु हुन्छ?
घिमिरेः भोलि जाँदैछु र फेरि जुन १४ मा आउंदै छु।

पशनः यही सहमतिका विषयमा फलो अप गर्न कि?
घिमिरेः होइन, ६ जना सगरमाथा आरोहीको सम्मानमा हङकङमा एउटा कार्यक्रम आयोजना गरिएको छ। त्यसमा सहभागी हुन।

पशनः सबै चिनीया आरोही हुन् कि?
घिमिरेः कुनै अमेरिकी, कुनै बेलायती र कुनै चिनीयाँ नागरिक छन्। तर अमेरिकी र बेलायती भए पनि अहिले हङकङमा बसोबास गर्दै आएका छन्। त्यस अवसरमा नेपाल सरकारको तर्फबाट पर्यटन विकासलाई अभिवृद्धि हुने र सहयोग पुर्‍याउने उद्धेश्यले पत्रकार सम्मेलन पनि गरिने कार्यक्रम रहेको छ।

पशनः हवस् त सर, तपाईको अमूल्य समयको लागि धन्यवाद।
घिमिरेः तपाईलाई पनि धन्यवाद।
च्याट विथ पशन

(यसबाहेक हामीबीच छोटो समयमा निकै कुराकानी भएका थिए। ती सम्वादलाई यहाँ समावेश गरिएन।)

Popularity: 23%

Entry Filed under: Chat With Pashan, उच्च पदस्थ अधिकारी

5 Comments Add your own

  • 1. Bishal  |  May 27th, 2007 at 6:58 am

    On behalf of HK nepalese I would sincerely like to Thanks to Mr. Ghimire for his selfless afford to give a new path.

  • 2. Rakhal  |  June 20th, 2007 at 1:51 am

    Dearest both of Mr. Pashan & Mr. Madhab prasad Ghimire, i would like to give you many thanks for your nice chat regarding Nepal and Hong Kong high level relationship.
    Best of luck Mr. Madhab Prasad ji . All the best of your period .
    WE HOPE THAT U WILL MAKE GOOD RELATION SHIP .
    best REGARDS,
    YOUR ….........

  • 3. Deepak Bista  |  April 19th, 2008 at 10:26 am

    Mr Ghimire is a very decent government officer. I have known him since he was assistant secretary with the ministry of finance during my research. He was a very cometent and helpful officer. I wish him all the best.

  • 4. Kishor Gurung  |  April 5th, 2010 at 5:46 am

    We are watching on him. Most of the Chettris-Bahuns are national criminal, corrupted and crooks…. Let see what he will do.

    I have great doubt he will not here without doing some kind of corruption or Guskhori.

  • 5. Gurkhali  |  December 31st, 2010 at 2:35 am

    Good person or Bad person or Patriotic Nepali person will reveal from his past history and future result.

    Since 98% Chettris-Bahuns do some kind of National crimes and corruption in somehow, somewhere in Nepal and around the world… Therefore can not trust anymore unless he prove it.

Leave a Comment

प्रतिक्रिया दिन चाहने पाठकहरुलाई जरुरी सूचना...
- यहांहरुले प्रतिक्रिया लेख्दा कृपया सभ्य भाषाको प्रयोग गर्नुहोला।
- असभ्य र आपत्तिजनक शव्दहरु प्रयोग गरिएको प्रतिक्रियालाई स्थान दिइने छैन।
- यदि यहांहरुले नेपाली युनिकोडमा लेख्न चाहनुहुन्छ भने यहां क्लिक गरेर टाइप गरेपछि कपि गरेर तलको कमेन्ट बक्समा पेस्ट गर्नुहोला।

Required

Required, hidden

Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>

Trackback this post  |  Subscribe to the comments via RSS Feed


Chat With Pashan:

Chat With Pashan (च्याट विथ पशन): एचकेनेपाल डट कमका प्रधानसम्पादक पशन तमू र सर्वसाधारणदेखि वरिष्ठ महानुभावबीच भेटका क्रममा बोलिएका संक्षिप्त सम्वादलाई यहाँ समट्ने प्रयाश गरिएको छ। त्यसैले यस स्तम्भलाई 'च्याट विथ पशन' नामाकरण गरिएको छ। यस अनलाइन संस्करणमा सर्वसाधारणदेखि वरिष्ठत्तम व्यक्तित्वहरुका सम्वाद रहने छन्। पशन तमू र यस स्तम्भका अतिथिबीच साक्षात्कार भेट, फोन र ई-मेल, फ्यास वा चिठ्ठी पत्रका माध्यमद्वारा पनि सम्वाद स्थापित हुन सक्नेछन्। यस स्तम्भमा गम्भीर विषय बस्तुहरु भन्दा पनि सहजढंगले जानकारीमूलक प्रसंगहरुलाई उल्लेख गरिने प्रयाश गरिएको छ। Chat With Pashan (च्याट विथ पशन) स्तम्भका लागि तपाईहरु पशन तमूलाई pashan8hknepal.com मा भेट्न सक्नुहुनेछ।

Become a fan-

HKNepal.com on Facebook

Calendar

April 2018
M T W T F S S
« May    
 1
2345678
9101112131415
16171819202122
23242526272829
30  

Most Recent Posts

Most Popular in May, 2007

Most Popular Posts