गैरकानुनी कामदार छनौट गर्ने पक्राउ
गैरकानुनी कामदार छनौट गर्ने पक्राउ
इराकमा कामदार पठाइयो
काठमाडौं प्रतिनिधि/ एचकेनेपाल डट कम, मार्च १३-
इजाजत नलिई गैरकानुनी रूपमा कामदार छनोट गरी कतार पठाउने कार्यमा संलग्न पाँच जनालाई प्रहरीले पक्राउ गरेको छ।
पक्राउ पर्नेहरूमा भारतका के.पी.गुरुनाथ र रवान डेसुजा, लेवननका क्यामिल दिरानी तथा कतार एयरवेजका प्रबन्धक ज्ञान अमरसिङ्गे र सेक्रेटरी रीना सेन भएको प्रहरी प्रधान कार्यालयले जनाएको छ।
कतार एयरवेजले विदेशी नागरिकलाई नेपाल बोलाई गैरकानुनी रूपमा विगतमा समेत कतार पठाएको तथा अहिले पनि उक्त होटलमा कामदार छनोट भइरहेको र प्रतिव्यक्ति रू.एक लाख ५० हजार उठाउने गरी अन्तर्वार्ता भइरहेको सूचनाका आधारमा प्रहरी प्रधान कार्यालय अर्न्तर्गत अपराध अनुसन्धान विशेष शाखाको टोलीले अभियुक्तहरूलाई फागुन २५ गते लाजिम्पाटस्थित एसटोरिया होटलमा पक्राउ गरेको थियो।
उनीहरूलाई आवश्यक कारबाहीका लागि श्रम तथा रोजगार प्रवर्द्धन विभागमा पठाइएको छ।
त्यसैगरी गैरकानुनी रुपमा १०० सय जना नेपालीलाई इराक पठाएको प्रमाण प्राप्त भएको स्वतन्त्र समाचार सेवाले दावी गरेको छ।
राजधानीको वसुन्धरामा कार्यालय रहेको दी ओभरसिजले गोप्य रुपमा इराक पठाएको प्रमाणसहितको कागजात , ६२ जनाको नाम र पासपोर्ट नम्बर पनि प्राप्त भएको बताइएको छ । २ साताअघि सय नेपालीलाई भारतबाट कुवेत हुँदै इराक पुर्याइएको छ।
Popularity: 16%
1 comment March 13th, 2006
