सर्लाही ६ मा पुनः मतदानपछि मतगणना सुरु
एचकेनेपाल डट कम काठमाडौँ प्रतिनिधि-
संविधानसभा निर्वाचनअर्न्तर्गत र्सलाहीको क्षेत्र नं. ६ का १३ मतदान केन्द्रमा हिजो पुनः भएको मतदान शान्तिपूर्ण रुपमा सम्पन्न भएपछि आज बिहानदेखि मतगणना सुरु भएको छ।
गोली र बम बिष्फोट गराई मतदातालाई आतङ्कित पारिएको तथा स्वतन्त्र उम्मेदवार शम्भुप्रसाद सिंहलाई मतदानकै दिन गोली हानी हत्या गरिएको कारण निर्वाचन आयोगले क्षेत्र नं. ६ का १३ मतदान केन्द्रको मतदान रद्द गरेको थियो।
गत चैत २८ गते भएको निर्वाचन रद्द गरिएका गढैया गाविसका ५, बलरा एवं मिर्जापुर गाविसका ३/३ र अर्नाहा गाविसका दुई मतदान केन्द्रमा हिजो पुनः मतदान भएको हो।
त्यहाँ साठी प्रतिशतभन्दा बढी मतदान भएको प्रारम्भिक अनुमान छ।
Popularity: 12%
Add comment April 19th, 2008
