देश/ विदेशको समाचारः एचकेनेपाल डट कम

कमान्डरसहित आधादर्जन माओवादी कार्यकर्ता काङ्ग्रेसमा प्रवेश

एचकेनेपाल डट कम सं‍वाददाता-
माओवादीमा प्रवेश गर्नेहरुको एकोहोरो समाचार आइरहेको बेला दार्चुलाबाट माओवादी कार्यकर्ताहरु काँग्रेसमा प्रवेश गरेको समाचार आएको छ।

जनमुक्ति सेनामा पूर्व कम्पनी कमान्डर रहेका उमेश खत्री र प्लाटुन कमान्डर कृष्णसिंह धामीसहित आधा दर्जन माओवादी कार्यकर्ताहरुले बिहीबार नेपाली काङ्ग्रेसमा प्रवेश गरेका छन्।

वि.सं. २०६३ मा माओवादी परित्याग गरेका तपोवन गाविस वडा नं १ बस्ने खत्री जनमुक्ति सेनाबाट विद्रोह गरी जनसंरक्षण पार्टीको नाममा सक्रिय रहेका थिए भने जनमुक्ति सेनाबाट जनआन्दोलन-२ पछि विद्रोह गरेका धामी भारत प्रवास बस्दै आएका थिए।

उनीहरुलले मुलुकमा कम्युनिस्ट पार्टीको भविष्य नरहेको भन्दै काङ्ग्रेसमा प्रवेश गरेको बताएका छन्।

नेपाली काङ्ग्रेसका केन्द्रीय सदस्य दिलेन्द्रप्रसाद बडुले खत्री, धामी र अन्य पार्टी् प्रवेश गर्ने माओवादी कार्यकर्तालाई टीका लगाएर पत्रकार सम्मेलनमार्फत् पार्टीमा स्वागत गरेका थिए।

Recent Videos:

Popularity: 15%

4 comments August 14th, 2009

२८ दिनपछि अपहरितको उद्धार

एचकेनेपाल डट कम सं‍वाददाता-
२८ दिन अघि सुनसरीको अमाहिबेलाबाट भूमिगत सशस्त्र समूहको नाममा अपहरण गरिएका नेपाल टेलिकम क्षेत्रीय कार्यलय, विराटनगरका सुपरभाइजर शेखर पोखरेललाई गएराति प्रहरीले उद्धार गरेको छ।

अपहृत पोखरेललाई भारत विहारको मध्यपुरा जिल्लाको घैलार थानाअर्न्तर्गतको जीवपुर भन्ने ठाउँबाट चार जना अपहरणकारीसहितलाई पक्राउ गरी प्रहरीले उद्धार गरेको हो।

क्षेत्रीय प्रहरी कार्यलयका अनुसार गएराति नेपाल र भारतीय प्रहरीहरुको संयुक्त टोलीले पोखरेललाई लुकाइराखेको ठाउँमा अपहरणकारीलाई घेराहाली चार जना अपहरणकारीलाई समेत पक्रन सफल भएको थियो। उद्धार गर्ने क्रममा कोही हताहत नभएको प्रहरीले जनायो।

विराटनगर- ५ कञ्चनबारी घरभई नेपाल टेलिकम क्षेत्रीय कार्यलयमा कार्यरत पोखरेल साउन २ गते सुनसरीको देवानगन्जमा रहेको टेलिकमको टावर मर्मत गरेर र्फकने क्रममा सुनसरीकै अमाहिबेलाबाट दिउँसै अज्ञात समूहबाट अपहरणमा परेका थिए।

Recent Videos:

Popularity: 15%

Add comment August 14th, 2009

बाग्मतीमा माछा छाडियो

एचकेनेपाल डट कम सं‍वाददाता-
ढल बगेर ढलमतीको उपनाम पाइसकेको बाग्मती नदी दिनदिनै फोहर र असुरक्षित बन्दै गइरहेका बेला बाग्मती नदी संरक्षण सङ्घले नदीको संरक्षणका लागि आज बाग्मतीमा गर्दी जातका एक सय माछा छोडेको छ।

सङ्घका केन्द्रीय सदस्य मौसम खनालका अनुसार नवौँ बाग्मती नदी महोत्सवअर्न्तर्गत नदीको संरक्षणका लागि यी माछाहरु सुन्दरीजलबाट छोडिएको हो ।

नेपाल कृषि अनुसन्धान परिषद् (नार्क) का माछा शाखा प्रमुख सुरेश वाग्ले र पशु तथा मत्से अनुसन्धान विभागका निर्देशक डा. टेकबहादुर गुरुङले बाग्मती नदीमा माछा छोड्दा बाग्मती नदीको संरक्षणमा सहयोग पुग्ने विश्वास व्यक्त गर्नुभयो ।

आजै विभिन्न नौ वटा विद्यालयका विद्यार्थी समूहबीच स्कुल च्यालेन्ज र सञ्चारकर्मीका समूहबीच मिडिया च्यालेन्जअर्न्तर्गत ती समूहले बाग्मती नदीमा र्‍याफ्टिङ गरेका थिए ।

Popularity: 15%

Add comment August 14th, 2009