पूर्वी नेपालमा नक्कली नोटको गिरोह सक्रिय
February 14th, 2012
सन्तोष काफ्ले / एचकेनेपाल डट कम-
धरान, पूर्वी नेपालमा भारतीय नक्कली नोटको कारोवारमा संलग्न गिरोह सक्रिय रहको खुलासा भएको छ। धरान प्रहरीले मंगलबार नक्कली भारतिय नोटसहित दुइ भारतीय युवा पक्राउ गरेपछि यस्तो खुलासा भएको हो।
भारतको कटिहारीबाट दुइ दिन अगाडिमात्र १० जना भन्दा बढिको संख्यामा नक्कली नोटको कारोबारमा सक्रिय भारतीय गिरोह जोगजवनि नाका हुदै लाखौंको नक्कली नोटसहति नेपाल छिरेका प्रहरी स्रोतले दावी गरेको छ।
गिरोहले विशेष गरी ५ सय दरका भारतिय जालि नोटसहित नेपाल प्रवेश गरेका हो। इलाका प्रहरी कार्यालय धरानले मंगलवार भारतको पश्चिम वंगालको माल्दा जिल्ला घर भएका मनि् रोल र तारिमरुल इस्लामलाई पक्राउ गरको छ। उनीहरु दुवै गिरोहका सदस्य मात्र भएको नाइके पनि नेपालमै लुकेर बसेको धरान प्रहरीले जनाएको छ।
मंगलबार पक्राउ परेकाहरुको साथबाट ५ सय दरको को भारतीय नोट १८ थान, १ सयदरका ३ थान र एक थान १० रुपैयाँको भारतीय नक्कली नोट बरामत गरेको छ। यसैगरी, उनीहरुले साटेका नेपाली रुपैयाँ ५ सयको १७ थान, १ सयकको ३७ थान, २० रुपैयाँको २१ थान र १० रुपैयाँको ३ थान बरामद गरिएको इलाका प्रहरी कार्यालयका प्रमुख डिएसपी राजेन्द्र विष्टले वताए।
उनीहरुले सस्तो मूल्यको सामान खरिद गर्नै र नेपाली रुपैयाँमा फिर्ता लिने गरेका विष्टले जानकारी दिए। उनका अनुसार सामान खरिद गर्ने वहानामा नेपाली रुपैयाँ संकलन गरि जोगवनि नाकामा भारतीय नोट साटेर भारत प्रवेश गर्ने गरेका छन्। उनीहरुलाई देशी लाइनको एक पसलमा नक्कली भारतीय नोट साट्दै गरेको अवस्थामा सुराकीको आधारमा उनीहरुलाई पक्राउ गरिएको प्रहरी बताएको छ।
खुल्ला सिमानाका कारण नेपालमा नक्ली नोटको गिरोह सहज रुपमा नेपाल प्रवेश गर्नै गरेको पूर्वी नेपालका प्रहरी प्रमुख डिआइजी सुरेन्द्र शाहले बताए। उनले नक्कली नोटमा संलग्न गिरोहमा खोजी कार्य तीव्र पारिको जानकारी दिदै डिएसपीको कमाण्डमा विशेष प्रहरी टोली खटाइसकेको जानकारी दिए।
Recent Videos:
Popularity: 5%
Entry Filed under: News
आफ्नो प्रतिक्रिया दिनुहोस् / Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Trackback this post | Subscribe to the comments via RSS Feed