आज प्रजातन्त्र दिवस मनाइँदै
February 19th, 2008
एचकेनेपाल डट कम काठमाडौँ प्रतिनिधि-
अन्ठाउन्नौँ राष्ट्रिय प्रजातन्त्र दिवस आज नेपालभर विभिन्न कार्यक्रमका साथ मनाइँदैछ ।
यस उपलक्ष्यमा आज बिहान सूर्योदयका साथ नेपाली सेनाद्वारा भीमसेनस्तम्भ (धरहरा)बाट बिगुल बजाइनाका साथै तोप र बन्दुकबाट बढाइँ गरियो।
प्रजातन्त्रका लागि आफ्नो जीवन उत्सर्ग गर्ने ज्ञातअज्ञात सहिदको आत्माको चीर शान्तिका लागि पूजापाठ तथा प्रार्थना पनि गरियो।
विक्रम सम्वत् २००७ फागुन ७ गते जहानियाँ राणाशासन अन्त भई नेपालमा प्रजातन्त्रको स्थापनाको घोषणा भएकाले सोही दिनको स्मरणमा यो दिवस मनाउन थालिएको हो ।
सोही उपलक्ष्यमा सहिदद्वारमा विशेष कार्यक्रमबीच सहिदप्रति श्रद्धाञ्जलि अर्पण गरिनेछ ।
त्यसपछि प्रजातन्त्र दिवस मूल समारोह समितिद्वारा सैनिक मञ्चमा विशेष समारोह आयोजना गरिनेछ ।
यस उपलक्ष्यमा प्रधानमन्त्री तथा उक्त दिवस समारोह समितिका अध्यक्ष गिरिजाप्रसाद कोइरालाले आज अपरान्ह शीतलनिवासमा जलपान कार्यक्रम आयोजना गर्नुहुनेछ ।
आजै साँझ दीपावली पनि गरिनेछ ।
Popularity: 20%
Entry Filed under: News
आफ्नो प्रतिक्रिया दिनुहोस् / Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Trackback this post | Subscribe to the comments via RSS Feed