देश/ विदेशको समाचारः एचकेनेपाल डट कम

नाम फिर्ता लिने म्याद समाप्त

January 29th, 2006

नाम फिर्ता लिने म्याद समाप्त
माअ‍ोवादीको कडा चेतावनी

काठमाडौं प्रतिनिधि/ एचकेनेपाल डट कम, जनवरी २९-
नगर निर्वाचनका लागि अस्ति नाम दर्ता गराएकाहरुले नाम फिर्ता लिने म्याद शनिबार समाप्त भएको छ भने अन्तिम नामावली आज सार्वजनिक गरिँदैछ।

शनिबार काठमाडौंमा नाम फिर्ता लिन आएका उम्मेदवारहरुमध्ये कतिले आफूलाई थाहै नदिइकन उम्मेदवारी मनोनयन दर्ता गराइएको गुनासो गर्दै थिए त कसैले पारिवारिक दबाबका कारण, कसैले धम्कीका कारण नाम फिर्ता लिएको बताउँदै थिए।

यसैबीच, निर्वाचनमा उम्मेदवार नबन्न र प्रचार-प्रसार नगर्न माअ‍ोवादीको उपत्यका ब्युरोले शनिबार विज्ञप्तिमार्फत् कडा चेतावनी दिएका छन्। यो अनुरोधलाई बेवास्ता गरेमा गम्भीरभन्दा गम्भीर परिणाम भोग्न तयार रहन गम्भीर चेतावनी दिइन्छ, माअ‍ोवादीको वक्तव्यमा भनिएको छ।

उता, नेपाली काँग्रेसका सभापति गिरिजाप्रसाद कोइरालाले पनि निर्वाचनमा सहयोग नगर्न सबै राष्ट्रसेवक कर्मचारीलाई आह्वान गर्नुभएको छ।

Popularity: 16%

Entry Filed under: News

1 प्रतिक्रिया / Comment आफ्नो प्रतिक्रिया दिनुहोस् / Add your own

1. अधि राज राई"प्रकास' | January 29th, 2006 at 4:12 pm

एक दिन जानेनै हो
बिमाको ब्याबस्था छ।
माईला सरकार बाट।
परिवार लाई बाचेर पनि दिन नसकेको,
पुरस्कार थमाई दिने होनि कि कसो??????????????
लाई चि कोक
हङकङ

आफ्नो प्रतिक्रिया दिनुहोस् / Leave a Comment

जरुरी सूचना...
- प्रतिक्रिया लेख्दा कृपया सभ्य भाषाको प्रयोग गर्नुहोला।
- असभ्य र आपत्तिजनक शव्दहरु प्रयोग गरिएको प्रतिक्रियालाई स्थान दिइने छैन।
- यदि नेपाली युनिकोडमा लेख्न चाहनुहुन्छ भने गूगल रोमन टु युनिकोड मा गएर टाइप गरेपछि कपि गरेर तलको कमेन्ट बक्समा पेस्ट गर्नुहोला।