बाँदर धपाउन एउटै गाउँपालिकाले ९० थान बन्दुक बाँड्यो

तनहुँ – तनहुँको म्याग्दे गाउँपालिकाले बाँदरपीडित कृषकलाई बाँदर धपाउने बन्दुक निःशुल्क वितरण गरेको छ।

गाउँपालिकाका ७ वटै वडाका कृषकहरुलाई गाउँपालिकाले बाँदर धपाउने बन्दुक निःशुल्क वितरण गरेको हो। पहिलो चरणमा ९० थान बन्दुक वितरण गरिएको छ।

वालिङ नगरपालिकाबाट रु दुई लाख ५० हजार मूल्य बराबरको बन्दुक खरिद गरेर ल्याई कृषकहरुलाई वितरण गरिएको गाउँपालिका अध्यक्ष मायादेवी रानाले जानकारी दिनुभयो।

फाइल फोटो

बालीनाली खाएर कृषकले नोक्सानी व्यहोर्नु परेपछि कृषकलाई बन्दुक वितरण गर्ने निर्णय गरी उपलब्ध गराएको उनले बताए। बाँदरले खेतीबाली खाइदिएपछि कृषकहरु गाउँपालिकामा आएर राहत चाहियो भन्दै आन्दोलन गर्ने गरेका थिए। उनले भने, ‘पहिलो चरणमा भेग मिलाएर आएको जति बन्दुक बाँडेका छौँ, अझै पनि मागबमोजिम पुगेको छैन, मगाएर वितरण गर्ने योजना बनाएका छौँ।”

गाउँपालिकाभित्र ८४ वटा टोल विकास संस्था आबद्ध छन्। एक टोलमा दुई वटाको दरले वितरण गर्नुपर्ने देखिएको गाउँपालिका कार्यालयले जनाएको छ। गाउँपालिकाको घडेरी, सिम्ले, जामुने भञ्ज्याङ, दोभान क्षेत्र, दीर्घु, बाख्रो, भोर्ले, साँघे फाँट आसपास क्षेत्र, हर्कपुर, विजयथुम, गाउँ स्वाँरा, धैरेनी, सालघारीलगायतका क्षेत्रमा बाँदरले खेतीबाली खाएर सास्ती दिन थालेपछि कृषकहरुले पटकपटक गाउँपालिकामा आएर बन्दुक माग गरेका थिए। रासस





Comments

comments

Trending Now : बेलायतबाट गण्डकी प्रदेश सरकारलाई २ वटा अक्सिजन मेशिनसहित आर्थिक सहयोग..
37466