काठमाडौं । अटो चालकले दाङमा शनिबार दिउँसो दुई महिलाको हत्या गरेको खुलेको छ। अटो चालक टेकबहादुर घर्तीले बञ्चरो प्रहार गरी घोराही उपमहानगरपालिका– १० नारायणपुरकी ५० वर्षीया जुपली बुढा र ४४ वर्षीया संगीता सुनारको हत्या गरेकोे दाङ प्रहरीले जनाएको छ।
घोराही– १७ का घर्तीले आफ्ना नियमित अटो यात्रु जुपलीलाई भान्सा कोठामा पुगेर हत्या गरेको जनाइएको छ। घर्तीले जुपलीलाई अटोमा घरबाट लैजाने र ल्याउने गर्दै आएको प्रहरीले जनाएको छ। संगीता श्रीमानसंग जुपलीको घरमा भाडामा बस्दै आएकी थिइन्।
प्रहरीले टेकबहादुरलाई थप अनुसन्धमाको लागि नियन्त्रणमा लिएको छ। हत्याको कारण भने खुल्न सकेको छैन।
