केही घण्टाभित्र हङकङमा व्यापक भारी वर्षा हुने…

न्युज डेस्क / एचकेनेपाल डट कम –
हङकङ, १५ अगष्ट। अब्जरभेटरीले आगामी केही घण्टाभित्र हङकङमा व्यापक भारी वर्षा हुने जनाएको छ। अब्जरभेटरीले एक दुई घन्टाभित्रै भारी वर्षाको सम्भावना रहेको भन्दै सर्वसाधारणलाई सचेत रहन आग्रह गरेको छ।

मौसम पर्यवेक्षकले बिहान १०.३० बजे घोषणा गर्दै भनेको छ – न्यून चापको फराकिलो ट्रुफले दक्षिणी चीनको तट र दक्षिण चीन सागरको उत्तरी भागमा वर्षा र हावाहुरी ल्याइरहेको छ।

यो न्यून चापीय रेखा अर्को हप्ताको मध्य सातासम्म यस क्षेत्रमा रहने र मौसम अस्थिर रहने अनुमान गरिएको छ।

आजको मौसम पूर्वानुमान अनुसार देशका अधिकांश स्थानमा सामान्य बदली रही मेघगर्जन र चट्याङसहित वर्षा हुनेछ । वर्षा सुरुमा भारी हुनेछ।