हङकङमा कामदारहरूको अभाव भयो भन्दै निर्माण उद्योगमा ३,८०० भन्दा बढी विदेशी कामदारहरू भित्राईयो..

न्युज डेस्क / एचकेनेपाल डट कम –
हङकङ, ७ डिसेम्बर। हङकङको निर्माण उद्योगमा ३,८०० भन्दा बढी विदेशी कामदारहरू आइपुगेका छन्। जसमध्ये २,७०० कामदारहरू युन लङको ताम मेई छात्रावासमा बसोबास गर्दैछन्।

विभिन्न क्षेत्रमा जनशक्तिको अभाव समस्यालाई कम गर्न सरकारले निर्माण उद्योगको लागि श्रम आयात योजनाको नवीनतम चरण सुरु गरेको छ। स्रोतहरूका अनुसार हाल ३,८०० भन्दा बढी विदेशी कामदारहरू हङकङमा आइपुगेका छन्। तीमध्ये २,७०० भन्दा बढी दक्ष कामदारहरू युन लङको ताम मेई निर्माण उद्योग आयातित कामदार छात्रावासमा सरेका छन्।

निर्माण उद्योग परिषद्ले गत वर्ष जारी गरेको पूर्वानुमान अनुसार आगामी केही वर्षहरुमा समग्र उद्योगमा करिब २०,००० देखि ४०,००० जना कामदारको कमी हुनेछ। उद्योगले गम्भीर जनशक्ति अभावको सामना गरिरहेको छ र कामदारहरू निरन्तर आयात गरिने जनाएको छ।