न्युज डेस्क / एचकेनेपाल डट कम –
हङकङ, १४ मे। हङकङको साई कुङस्थित सेन्ट्रल ली सिउ याम मेमोरियल स्कूलका एक अंग्रेजी शिक्षिकाको स्कूल भवनबाट खसेर मृत्यु भएको छ। आज बिहान करिब ९:०५ बजे विद्यालय परिसरभित्र भएको यो दुर्घटनामा शिक्षिका भवनको माथिल्लो भर्याङबाट खेल मैदान नजिक खसेकी थिइन्।
घटनापछि तत्काल बोलाइएका प्यारामेडिक्सले बेहोस अवस्थामा रहेकी शिक्षिकालाई च्युङ क्वान ओ अस्पताल लगेका थिए। तर उपचारका क्रममा उनको मृत्यु भएको घोषणा गरियो।
यस दुःखद घटनापछि विद्यालय प्रशासनले आजका सबै अंग्रेजी सम्बन्धी गतिविधिहरू स्थगित गरेको छ र विद्यार्थीहरूलाई ब्रेकको समयमा कक्षाकोठा भित्रै रहन निर्देशन दिएको छ। प्रहरीले घटनाको अनुसन्धान गरिरहेको छ।
यदि तपाईंलाई आत्महत्याको विचार आउँछ वा डिप्रेसन छ भने कृपया द समारिटन्स हङकङको २४ घण्टे बहुभाषी हटलाइन नम्बर २८९६०००० मा सम्पर्क गर्नुहोस्। मानसिक स्वास्थ्य समस्या भएका वा त्यस्तो समस्या भएका व्यक्तिलाई चिन्नुहुन्छ भने द हेल्प प्रोजेक्टले निःशुल्क र पूर्ण गोपनीय सहयोग प्रदान गर्छ। कल वा व्हाट्सएप: २८२७२५२५। तपाईं एक्लो हुनुहुन्न – सहयोग उपलब्ध छ।
