काठमाडौं, नेकपा एमालेका अध्यक्ष केपी शर्मा ओलीले जेनजी आन्दोलनमा भएको हिंसात्मक घटनाको सत्यतथ्य छानबिन गर्न माग गरेका छन्।
राष्ट्रिय युवा संघ नेपालको कार्यक्रममा बोल्दै उनले सुशीला कार्कीको नेतृत्वको सरकार अलोकतान्त्रिक ढंगले बनेको दाबी गरे।
ओलीले आन्दोलनमा १४ जनाको मृत्यु भएको र टाउकोमा गोली लागेको घटनाप्रति दुख व्यक्त गर्दै छानबिनको आवश्यकता औंल्याए। उनले भदौ २४ गते आफ्नो हातमा केही नरहेपछि राजीनामा दिएको र त्यसपछि तोडफोड र आगजनीका घटना भएको बताए।
जेनजीहरूलाई आवेगमा नआउन र शान्तिपूर्ण बाटोमा फर्कन आग्रह गर्दै उनले देश बनाउने जिम्मेवारी एमालेले मात्रै पूरा गर्न सक्ने दाबी गरे। राष्ट्रिय एकताका लागि सबैलाई संयमता अपनाउन उनले आह्वान गरे।
