एचकेनेपाल डट कम –
काठमाडौँ, भदौ २३–२४ मा भएको जेनजी विद्रोहमा कुल ७६ जनाको ज्यान गएकोमा २२ जना प्रदर्शनकारी रहेको नेपाली सेनाले जनाएको छ।
नेपाली सेनाले शुक्रबार पत्रकार सम्मेलनमा जारी गरेको प्रतिवेदनमा यो तथ्यांक सार्वजनिक गरेको हो।
सेनाको युद्ध कार्य विभागका प्रमुख उपरथी अनुपजंग थापाका अनुसार बाँकी मृतकमा ३ प्रहरी, १० कैदी र ४१ अन्य व्यक्ति सामेल छन्।
विद्रोह ४८४ स्थानमा फैलिएको थियो।
सेनाको रिपोर्टअनुसार आन्दोलनमा ६८८ सरकारी कार्यालय, २५९ निजी घर, १२८ व्यापारिक केन्द्र, १९८ राजनीतिक दलका भवन र ३०७ प्रहरी चौकीमा आगो र तोडफोड भएको थियो।
यस्तै, घटनामा १५ हजार ५८८ कैदी फरार भएकामा अहिलेसम्म ८ हजार ७९९ लाई समातिएको छ।
रिपोर्टमा ९७८ हतियार हराएको उल्लेख छ, जसमध्ये ५८६ फिर्ता भइसकेका छन्।
