अपडेटः कोरोनाबाट हङकङमा थप ३ जनाको मृत्यु…

न्युज डेस्क / एचकेनेपाल डट कम –

हङकङ, ११ अगष्ट। कोविड १९ (कोरोना) संक्रमणका कारण हङकङमा मंगलवार तीन जनाको मृत्यु भएको छ।

यससंगै हङकङमा कोरोना संक्रमणबाट मृत्यु हुनेको संख्या ५८ पुगेको छ।

युनाइटेड क्रिश्चियन अस्पतालमा कोरोना संक्रमणको पुष्टि भएका ८७ वर्षीयाको महिलाको १२:५८ बजे र पामेला यूड नेदरसोल इस्टर्न अस्पतालमा कोरोना संक्रमणको पुष्टि भएका ८० वर्षीय पुरुषको १:२० बजे मृत्यु भएको अस्पताल अथोरिटीले जनाएको छ।

यसअघि, चुन क्वान ओ अस्पतालका प्रवक्ताले कोरोना संक्रमणको पुष्टि भएका ७९ वर्षीय पुरुषको मंगलवार विहान ११:१९ बजे मृत्यु भएको जानकारी दिएका थिए। रुघा खोकीले विरामी भएपछि उनलाई २७ जुलाईमा अस्पतालमा भर्ना गरिएको थियो।