हङकङ कोरोना न्युज अपडेट : फिलिपिन्सबाट आएका ९ जनासहित १८ सङ्क्रमित थपिए…

न्युज डेस्क / एचकेनेपाल डट कम –

हङकङ, २२ मार्च। सेन्टर फर हेल्थ प्रोटेशनले पछिल्लो २४ घण्टामा हङकङमा १८ जनामा कोरोना संक्रमणको पुष्टि भएको जनाएको छ। यससंगै कोरोना सङ्क्रमितको संख्या हङकङमा ११,३९८ पुगेको छ।

संक्रमितहरुमध्ये ७ स्थानीय र ११ जना आयातित रहेका छन्। आयातित केसमा फिलिपिन्सबाट आएका ९ जना, इन्डोनेसिया र पाकिस्तानबाट आएका एक/एक जना रहेका छन्।

सङ्क्रमितहरुमध्ये ५ पुराना केससंग संबन्धित छन् भने २ जनाको संक्रमणको स्रोत खुलेको छैन। कुल सङ्क्रमितहरूमा १३ देखि ७१ वर्ष उमेर बीचका ५ पुरूष र १३ महिला रहेका छन्।

स्रोत नखुलेका संक्रमितमा ७१ वर्षीय ट्याक्सी चालक र चा को लिंगस्थित निर्माण साइटमा कार्यरत एक क्लर्क रहेका छन्।

५ थप सङ्क्रमितहरुमा अरसस फिट्नेससंग सम्बन्धित रहेका छन्।

पछिल्लो सरकारी आकाँडा अनुसार हालसम्म १०,९०१ जना कोरोना संक्रमित निको भएर अस्पतालबाट डिस्चार्ज भएका छन्। २४५ जनाको उपचार भइरहेको छ। १० जना बिरामीको अवस्था भने ‘क्रिटिकल’ रहेको जनाइएको छ।

कोरोनाबाट हङकङमा मृत्यु हुनेको संख्या २०३ पुगेको छ।