न्युज डेस्क / एचकेनेपाल डट कम –
हङकङ, ३ अगष्ट । सेन्टर फर हेल्थ प्रोटेक्शनले मंगलवार स्थानीय कोरोना सङ्क्रमितको संख्या पुनः शून्यमा झरेको जनाएको छ।
यद्यपि, ४ जना आयातित सङ्क्रमित थपिएका छन्। यससंगै हङकङमा कोरोना सङ्क्रमितको कुल संख्या ११,९९५ पुगेको छ।
आयातित सङ्क्रमितमा ग्रीसबाट आएकी १ महिला र टर्कीबाट आएका दुई पुरुष र एक महिला रहेका छन्।
पछिल्लो १४ दिनमा जम्मा ३२ जनामा कोरोना सङ्क्रमण पुष्टि भएको छ। ति सबै आयातित सङ्क्रमित रहेका छन्।
यतिबेला हङकङमा कोरोना सङ्क्रमित २४ जनाको उपचार भइरहेको छ। आज १ जना अस्पतालबाट डिस्चार्ज भएका छन्। कोरोना सङ्क्रणबाट मृत्यु हुनेको संख्या हङकङमा २१२ पुगेको छ।
कुन देशमा कस्तो छ कोरोनाको अवस्था? यहाँ हेर्नुहोस्
