हङकङमा आगलागीबाट १२ घाइते, ३ सयबढी फसे, कम्तीमा १२ सय जनाको उद्धार..

न्युज डेस्क / एचकेनेपाल डट कम –

हङकङ, १५ डिसेम्बर । कजवे बेको ग्लुसेस्टर रोडस्थित ३८ तले वर्ल्ड ट्रेड सेन्टरमा बुधवार दिउंसो आगलागी हुंदा कम्तीमा १२ जना घाइते भएका छन्।

लञ्चटाईमको व्यस्त समयमा भएको आगलागीमा अधिकांश धुंवाले निस्सासिएर घाइते भएको र केहीको भागदौडमा चोटपटक लागेको स्थानीय सञ्चारमाध्यमले जनाएका छन्।

घाइतेहरुलाई वान चाइस्थित रुट्टोन्जी अस्पताल, चाइवानको पामेला युडे नेदरसोल अस्पताल र पोक फु लामको क्वीन मेरी अस्पतालमा उपचारको लागि लगिएको छ ।

आगलागी हुंदा ३ सयभन्दा बढी भवनभित्र फसेका थिए। धेरे जसो लामो समय रूफटपमा उद्धारको लागि पर्खँदै थिए। प्रहरी र फायरफाइटरको टोलीले १२ सयभन्दा बढीको उद्धार गरिएको जनाएको छ।

सपिङ मलको तल्लो तहमा रहेको मिटर कोठाबाट आगलागी भएको जनाइएको छ।