हङकङमा झन बढ्न थाल्यो कोरोना, आज थपिए ५०५ नयाँ केस…

एचकेनेपाल डट कम –

हङकङ, १ जुन । हङकङमा आज कोभिड-१९ पुष्टि भएका कुल ५०५ संक्रमित केसहरु थपिएका छन्।

स्वास्थ्य सुरक्षा केन्द्रका डा. चुआंग सुक क्वानका अनुसार ४७१ स्थानीय र ३४ आयातित गरी कुल ५०५ संक्रमित केसहरु थपिएका छन्।

आयातितमध्ये ११ जनामा विमानस्थलको अस्थायी नमूना परीक्षण केन्द्रमा पोजेटिभ देखिएको छ भने तोकिएका क्वारेन्टिन होटलमा १८ जनामा पोजेटिभ देखिएको छ। तीमध्ये ५ जना विदेशबाट आएको ७ दिनपछि फेला परेका रहेका छन्।

आज ३५ विद्यालयमा ३९ नयाँ केसहरू (२४ विद्यार्थी र १५ शिक्षक कर्मचारी) थपिएका छन्। थप २ विद्यार्थीहरू पोक ओइ अस्पताल ताङ पुई किंग मेमोरियल कलेजमा जोडिएका छा्। जहाँ एक पार्टटाईम बास्केटबल प्रशिक्षकले पहिले जेन्ट्रल क्लबको भ्रमण गरेका थिए।

हङकङमा २४ घण्टाभित्र कोरोनाबाट १ जना विरामीको मृत्यु भएको छ। पाँचौं लहरको शुरुवातदेखि अहिलेसम्म हङकङमा मृत्यु हुनेको कुल संख्या ९,१६६ पुगेको छ।

२४ घण्टामा ५१ जना बिरामी निको भएर अस्पतालबाट घर फर्केका छन्।