हङकङमा आज कोरोनाको ६७४ नयाँ केस थपिए, थप १ को मृत्यु…

एचकेनेपाल डट कम –

हङकङ, ९ जुन । हङकङमा आज कोभिड-१९ पुष्टि भएका कुल ६७४ संक्रमित केसहरु थपिएका छन्।

स्वास्थ्य सुरक्षा केन्द्रका डा. चुआंग सुक क्वानका अनुसार ६०१ स्थानीय र ७३ आयातित गरी कुल ६७४ संक्रमित केसहरु थपिएका छन्। पाँचौं लहरको सुरुवातदेखि हङकङमा कुल १२,०४२११ कोभिड-१९ का केसहरू रेकर्ड भएका छन्।

आज ८१ विद्यालयमा ६८ विद्यार्थी र २२ शिक्षक कर्मचारी गरी ९० जनामा पोजेटिभ केसहरु पाइएको छ। काउलुन टोङ फनफुल इङ्लिस प्राइमरी स्कुलमा आज थप २ नयाँ केसहरू रेकर्ड गरिएको छ। कुल १७ केसहरू यस विद्यालयसँग जोडिएका छन्।

हङकङमा २४ घण्टाभित्र थप १ जना कोरोना संक्रमित बिरामीको मृत्यु भएको छ। पाँचौं लहरको शुरुवातदेखि अहिलेसम्म हङकङमा मृत्यु हुनेको कुल संख्या ९,१७७ पुगेको छ।

२४ घण्टामा ४० जना बिरामी निको भएर अस्पतालबाट घर फर्केका छन्।