हङकङ : ट्युन मुन राजमार्गमा मिनिबससँग केएमी बस ठोक्कियो, केही यात्रु गम्भीर घाइते..

एचकेनेपाल डट कम –

हङकङ, १७ जुन । ट्युन मुन राजमार्गमा आज बिहान ९ बजेर ५७ मिनेटमा सवारी दुर्घटना भएको छ।

स्थानीय मिडियाका अनुसार ट्युन मुन गोल्डकोस्ट होटल नजिकै डबल डेकर केएमबी र मिनीबस एक आपसमा ठोक्किएका हुन्।

मिनीबसको पछाडिको भागमा ठूलो क्षति पुगेको छ। यात्रुहरु फसेका छन्। धेरै दमकल र एम्बुलेन्स घटनास्थलमा पुगेका थिए। दुर्घटनामा कम्तीमा चारजना गम्भीर घाइते भएको प्रारम्भिक अनुमान गरिएको छ। दुई सवारीसाधन एकआपसमा ठोक्किनुको कारणबारे अनुसन्धान हुन बाँकी रहेको जनाइएको छ।