हङकङमा बुधवारदेखि एक्कासी चिसो बढ्दै.

एचकेनेपाल डट कम –

हङकङ, २९ नोभेम्बर । हङकङ अब्जरभेटरीले बुधवारदेखि एक्कासी चिसो बढ्ने जनाएको छ।

हङकङ अब्जरभेटरीका अनुसार उत्तरबाट चल्ने चिसो हावाले यस क्षेत्रमा तापक्रम उल्लेख्य रूपमा घट्ने अब्जरभेटरीले जनाएको छ।

सहरी क्षेत्रहरूमा तापमान सुरुमा लगभग २४ डिग्री सेल्सियस हुनेछ र क्रमशः रातको तापक्रम न्यूनतम १५ डिग्री सेल्सियससम्म झर्नेछ। न्यु टेरिटोरिजहरुमा झनै चिसो तापक्रम हुनेछ।

उत्तरपूर्वी तीव्र मनसुनले आगामी दुई दिनमा ग्वाङ्डोङको तटलाई असर पाार्नेछ। बिहानपख मौसम अलि चिसो र सप्ताहन्तमा थोरै मध्यम हुने अपेक्षा गरिएको छ। ग्वाङडोङको तटमा दिनको तापक्रम बढ्ने र बिहानपख चिसो बढ्ने जनाइएको छ।

बिहीबार र शुक्रबार शहरी क्षेत्रहरूमा तापक्रम लगभग १३ डिग्री सेल्सियस र न्यु टेरिटोरिजहरुमा केही डिग्री कम हुनेछ। सप्ताहन्तमा बिस्तारै तापक्रम बढ्दै जाने छ।