क्यासिनो होटलमा आगलागी, १० जनाको मृत्यु, ३० घाइते

सिन्ह्वा –
उत्तरपश्चिम कम्बोडियाको बान्टे मेन्चे प्रान्तमा रहेको एउटा क्यासिनो होटलमा भएको भीषण आगलागीमा कम्तिमा १० जनाको मृत्यु हुनुका साथै अन्य ३० जना घाइते भएका प्रहरी प्रवक्ताले बिहीबार बताएका छन्।

“हाम्रो उद्धार कार्य अझै पूरा नभएकोले यो प्रारम्भिक जानकारी हो,” उप राष्ट्रिय प्रहरी प्रमुख र प्रवक्ता लेफ्टिनेन्ट जनरल छाय किम खोउनले बताए, उद्धार कार्य समाप्त भएपछि वास्तविक हताहतीको विवरण पछि आउनेछ।

पोइपेट सिटीको ग्राण्ड डायमण्ड सिटी होटल र क्यासिनोमा बुधबार मध्यरातमा आगलागी भएको आगलागी नियन्त्रण तथा उद्धार प्रहरी विभागले जनाएको छ।

आगलागी रोकथाम तथा उद्धार प्रहरी विभागको फेसबुक पेजमा पोष्ट गरिएको एक फुटेजमा केही मानिसहरु आगोबाट बच्न तल हाम फालेको देखाइएको छ भने कोही माथिल्लो तलामा फसेका छन्।

स्थानीय समय अनुसार बिहीबार बिहान ७ बजेसम्म आगो पूर्ण रूपमा निभ्न नसकेकोले उद्धार कार्य जारी रहेकाले आगलागीको कारण अनुसन्धान भइरहेको विभागले जनाएको छ।

प्रहरीका अनुसार होटल र क्यासिनोमा ४ सयभन्दा बढी कर्मचारी कार्यरत छन्।