न्युज डेस्क / एचकेनेपाल डट कम –
हङकङ, ४ जनवरी। २३ वर्षीया महिला बेपत्ता भएपछि उनका साथीहरुले सहयोगको लागि अपिल गरेका छन्।
२३ वर्षीया महिला लाइ सियाओन डिसेम्बर २६, २०२३ को दिउँसो क्वाई चुङको लाइ यिउ एस्टेटमा रहेको आफ्नो घरबाट निस्किएदेखि बेपत्ता भएकी छन्। उनका साथीले डिसेम्बर ३१, २०२३ मा प्रहरीलाई उजुरी दिएकी थिइन्।
एचके अन सीसीमा प्रकाशित समाचारका अनुसार उनी करिब १.७२ मिटर अग्लो छिन्, तौल करिब ५४ किलोग्राम छ, पातलो बनोट छ, कालो अनुहार छ, पहेँलो छाला, लामो कालो कपाल र घाँटीमा ट्याटु छ।
उनी अन्तिम पटक नीलो ज्याकेट, कालो ट्राउजर, सेतो जुत्ता लगाएर गुलाबी क्रसबडी झोला र पहेंलो झोला बोकेकी थिइन्।
बेपत्ता महिलाको बारेमा जानकारी भएमा वा तिनलाई देखेमा प्रहरीलाई खबर गरि दिन आग्रह गरिएको छ।
