रोशन मेवाहाङ / एचकेनेपाल डट कम –
पौष ११ लण्डन। गैरआवासीय नेपाली संघका अन्तर्राष्ट्रिय समन्य परिषदका अध्यक्ष शेष घलेको सम्मानमा गैरआवासीय नेपाली संघ बेल्जियमको आयोजनामा भव्य सम्मान तथा स्वागत कार्यक्रम सम्मन्न भएको छ।
अध्यक्ष शेष घलेको प्रमुख आतिथ्यामा बेल्जियमको लुभेन सहरमा अन्तरक्रिया कार्यक्रम संपन्न भएको छ। गैरआवासीय नेपाली संघ, बेल्जियमका अध्यक्ष गंगाधर गौतम विशेष कामले नर्बे जानु भएकोले गैरआवासीय नेपाली संघ, बेल्जियमका कार्यबाहक उपाध्यक्ष पौडेलको अध्यक्षतामा भएको सो कार्यक्रममा प्रमुख अतिथि शेष घलेले नेपालमा भएको मानबीय संकटको सहयोगार्थ केन्द्रले निर्देशन गरे बमोजिम एनआरएनए बेल्जियमले भूकम्प पीडितहरुका लागि करिव एक करोड नेपाली रुपयाँ र औषधीको लागि ५ लाख सहयोग गरेकोमा एनआरएन बेल्जियमलाई धन्यवाद दिनु भयो।
उहांले अहिले गैरआवासीय नेपाली संघ, बेल्जियमको आयोजनामा अन्तर्राष्ट्रिय समन्य परिषदको ५१ औं बैठकमा भएका निर्णयहरु बिधानसंगत रहेको बताउनु भयो। कार्यक्रममा अध्यक्षता गर्नु भएका एनआरएन बेल्जियमका उपाध्यक्ष कृष्ण पौडेलले छोटो समयको बावजुद पनि कार्यक्रम आयोजना गरिएका भएपनि यो कार्यक्रमले बेल्जियमका प्रवासी नेपालीहरुलाई एनआरएनको अहिलेको गतिबिधीवारे बुझ्ने मौका मिलेको बताउनु भयो।
गैरआवासीय नेपाली संघ, अन्तर्राष्ट्रिय समन्य परिषदका सचिव अर्जुन श्रेष्ठले ५१औं बैठकमा भएका निर्णयहरु बिधानसंगत भयकोले उक्त कुराहरूको अब कुनै औचित्य नरहेको प्रस्ट पार्नु भएको थियो। जनसमुदायले गएको बैठकको निर्णयको बिषयमा प्रश्न गरेकाले यो बिषयलाई अब दोहराई राख्न आवश्यक नरहेको र नितीगत तथा ब्यवाहारिक रुपमा नै समाधान भई सकेको प्रस्ट पारेका थिए।
स्वागत कार्यक्रममा एनआरएनए, बेल्जियमका उपाध्यक्ष पदम गुरुङले स्वागत मन्तव्य व्यक्त गर्नु भएको थियो। त्यसैगरी एनआरएनए, बेल्जियमकी कोषध्यक्ष आङमाया लामाले अतिथिहरुलाई खादा लगाई स्वागत गर्नु भएको कार्यक्रमलाई एनआरएनए, बेल्जियमका सचिव गोबिन्द सिंह अधिकारीले संचालन गरेका थिए।
