गुल्मी, मोबाइलको खोलमा लुकाएर राखेको पाँच सय हराएको निहुँमा हाडहाडेमा सौतेनी आमाले दुई छोराको हत्या गरेकी छन्। हाडहाडे ९ की २१ वर्षीया शान्ता पुनले सौताका दुई छोराको हत्या स्वीकारेको प्रहरीले जनाएको छ।
यिनै हुन् दुई बालकको हत्या गर्ने सौतेनी आमा
यसअघि दुवै बालकको करेन्ट लागेर मृत्यु भएको भनिएको थियो। अनुसन्धानका क्रममा सात वर्षका अनिश र पाँच वर्षका मनीष पुनको सौतेनी आमाले हत्या गरेको खुलेको गुल्मीका प्रहरी नायव उपरीक्षक रवीन्द्र रेग्मीले जानकारी दिए।
उनले जेठा छोरा अनिशको गत मंगलबार साँझ विष खुवाएर र कान्छा छोरा मनीषको बुधबार बिहान घाँटी थिचेर हत्या गरेको बयान प्रहरीलाई दिएको खबर आजको नयाँ पत्रिका दैनिकले छापेको छ।
