सुनिल संगम / एचकेनेपाल डट कम –
फेब्रुअरी ०५ लिस्बन, पोर्चुगलको अल्गार्भमा यही फेब्रुअरी ११ तारिखका दिन “वारि जमुना पारि जमुना” गीतबाट चर्चा कमाएका चर्चित गाएक खेमराज गुरुङको भब्य सांगीतिक कार्यक्रम हुने भएको छ।
“नेपाली सांगीतिक साँझ” नाम दिएको उक्त कार्यक्रमको आयोजना आल्वुफेरा ग्रुपद्वारा गरिएको छ भने द गिनीज कर्नर रेस्टुरेन्ट एंड बारमा भब्यताका साथ सम्पन्न हुने कुरा आयोजकले जानकारी गराएको छ।
चर्चित गायक खेमराज गुरुङले आफ्नो चर्चित गीतहरु प्रस्तुत गर्ने उक्त कार्यक्रममा गाएक बिमल श्रेष्ठ र अन्य स्थानीय कलारहरुको पनि प्रस्तुति रहने छ भने नेपाली स्वादको विभिन्न स्वादिष्ट परिकारहरुको पनि व्यवस्था गरिएको आयोजक ग्रुपले जानकारी दिएको छ।
