हङकङ प्रहरीले आफैलाई गोली हाने

न्युज डेस्क / एचकेनेपाल डट कम –
हङकङ, ५ अगष्ट। चुन वान जिल्लामा कार्यरत ५१ वर्षीय प्रहरी अधिकारीको सोमवार मृत्यु भएको छ।

चुन वानको मुक मिन हा चुन नजिकै भूइमा लडिरहेको अवस्थामा पुरुष प्रहरी अधिकारी भेटिएका थिए।

उनको छेउमा प्रहरीको बन्दुक भेटिएको थियो, र उसलाई बन्दुकको गोली लागेको थियो। उनलाई तुरुन्तै चुन वान यान चाइ अस्पताल लगिएको थियो तर पछि उनलाई मृत घोषित गरिएको थियो।

मृतकले सुसाइड नोट छोडेको र कामको समस्या र कामको दबाबका कारण आत्महत्या गरेको हुन सक्ने आशंका गरिएको छ।

घटनाबारे अधिकारीहरूले अनुसन्धान गरिरहेका छन्।

आत्महत्या रोकथाम हेल्पलाइन:
हटलाइन (बहुभाषी): 2896 000