अपडेटः हङकङमा आँधीको खतरा: सिग्नल नं. ३ जारी..!

न्युज डेस्क / एचकेनेपाल डट कम –
हङकङ, ९ नोभेम्बर। आज दिउँसो ३:४० बजे हङकङ वेधशालाले प्रबल हावा संकेत नं. ३ जारी गरेको छ। यसले ४१ देखि ६२ किलोमिटर प्रति घण्टाको औसत गतिमा हावा चल्ने संकेत गर्दछ।

अधिकारीहरूले सर्वसाधारणलाई सावधानी अपनाउन आग्रह गरेका छन्। हावाले उडाउन सक्ने वस्तुहरूलाई सुरक्षित रूपमा बाँध्न वा घरभित्र राख्न सल्लाह दिइएको छ। यसैगरी, समुद्री किनारबाट टाढा रहन र जल क्रीडामा संलग्न नहुन पनि अनुरोध गरिएको छ।

मौसम विज्ञहरूका अनुसार यो अवस्था केही समयसम्म रहन सक्ने भएकोले सबैलाई सतर्कता र आवश्यक सावधानी अपनाउन आग्रह गरिएको छ।