‘भाइरल झाँक्री’ प्रकाश भुजेलको गाडीको ठक्करबाट मोटरसाइकल चालकको मृत्यु, भुजेल पक्राउ..

एचकेनेपाल डट कम –
काठमाडौं, काठमाडौँको शंखरापुर नगरपालिका–९ स्थित साँखु–थली सडक खण्डमा एक दुःखद घटना घटेको छ। झाँक्री प्रकाश भुजेलको गाडीले मोटरसाइकललाई ठक्कर दिँदा मोटरसाइकल चालकको मृत्यु भएको छ। कागेश्वरी मनोहरा नगरपालिका–२ का नारायण नगरकोटीले उपचारको क्रममा ज्यान गुमाएका हुन्।

सिन्धुपाल्चोक घर भई हाल जोरपाटी बस्ने बा.१९ च २६९५ नम्बरको गाडी धनी झाँक्री भुजेललाई प्रहरीले पक्राउ गरेको छ। ३५ वर्षीय भुजेल बुधबार मध्यान्ह दुर्घटना घटाएपछि फरार भएका थिए।

दुर्घटनामा मोटरसाइकल चालककी पत्नी किसानुमाया नगरकोटी पनि घाइते भएकी छिन्। उनको ग्राण्डी अस्पतालमा उपचार भइरहेको छ।