काठमाडौं। राजधानीको सिनामंगलस्थित जन्मभूमि होटलमा एक दम्पती मृत फेला परेका छन्। आइतबार बिहान जन्मभूमि होटलको कोठामा श्रीमान श्रीमती मृत अवस्थामा भेटिएका हुन्।
मृतक दम्पतीको पहिचान खुलेको छ। मृत्यु हुनेमा सुनसरी घर भएका ३४ वर्षीय रमेश माझी र मोरङ घर भएकी २९ वर्षीया शर्मिला माझी रहेका छन्। दुवै जना क्यानडाबाट शनिबार मात्र नेपाल फर्किएका थिए।
प्रहरीका अनुसार उनीहरु शनिबार साँझ करिब ७ बजे होटलको चौथो तल्लाको कोठा नम्बर १२० मा बसेका थिए। दुवै जनाले आत्महत्या गरेको हुन सक्ने प्रहरीको प्रारम्भिक अनुमान छ।
घटनाको जानकारी पाएलगत्तै महानगरीय प्रहरी परिसर, वृत्त गौशाला र काठमाडौं उपत्यका अपराध अनुसन्धान कार्यालयको टोली घटनास्थल पुगी अनुसन्धान थालेको छ। घटनाको विस्तृत विवरण आउन बाँकी रहेको प्रहरीले जनाएको छ।
