पुष्पा : २ अभिनेता अल्लु अर्जुनको घरमा तोडफोड गर्ने ६ जना पक्राउ..

काठमाडौँ । दक्षिण भारतीय फिल्म जगतका सुपरस्टार अल्लु अर्जुनको हैदरावादस्थित निवासमा एक समूहले आक्रमण गरेको छ । उस्मानिया विश्वविद्यालय संयुक्त कार्य समितिको सदस्य भएको दाबी गर्ने समूहले अभिनेताको घरमा ढुंगामुढा र टमाटर प्रहार गर्दै गमलाहरु तोडफोड गरेको थियो ।

घटनामा संलग्न ६ जनालाई प्रहरीले नियन्त्रणमा लिएको छ । घटनाको समयमा अल्लु अर्जुन घरमा थिएनन् । आक्रमणकारीहरूले पुष्पा २ को प्रिमियरमा भएको भागदौडमा ज्यान गुमाएकी रेवतीको परिवारलाई एक करोड रुपैयाँ क्षतिपूर्तिको माग गरेका छन् ।

यसैबीच, अल्लु अर्जुनले एक विज्ञप्ति जारी गर्दै आफ्ना प्रशंसकहरूलाई शान्त रहन र कुनै पनि अपमानजनक व्यवहार नगर्न आग्रह गरेका छन् । उनले फेक प्रोफाइल बनाएर बदनाम गर्ने प्रयास गर्नेहरू विरुद्ध कडा कारबाही गरिने चेतावनी दिएका छन् ।

गत डिसेम्बर १३ मा पुष्पा २: द रुल को प्रिमियरको क्रममा भएको भागदौडमा एक महिलाको मृत्यु भएको थियो । यस घटनामा अल्लु अर्जुनलाई पक्राउ गरिएको थियो, तर एक रात जेलमा बिताएपछि उनले जमानत पाएका थिए ।