काठमाडौंको ठमेलस्थित एक गेष्ट हाउसमा एक युवतीको रहस्यमय मृत्यु भएको छ।
प्रहरीका अनुसार, ड्रिङ्किङ ईन गेष्ट हाउसको कोठा नम्बर २०२ मा रसुवाको तातोपानी निवासी २१ वर्षीया समिरा तामाङको शव फेला परेको छ। गएराति फेला परेको शवको अवस्था र घटनाको प्रकृतिले यो मृत्यु शङ्कास्पद रहेको प्रहरीको प्रारम्भिक अनुमान छ।
घटनास्थलमा प्रहरीको विशेष टोली परिचालन गरिएको छ र फोरेन्सिक जाँच समेत गरिँदैछ। मृतकका परिवारजनलाई घटनाबारे जानकारी गराइएको प्रहरीले जनाएको छ।
