युक्रेन युद्धको सन्दर्भमा अमेरिका र युक्रेन बीचको तनाव अझै बढेको छ। रूस र अमेरिका बीचको वार्तामा युक्रेनलाई समावेश नगरिएकोमा राष्ट्रपति भोलोदिमिर जेलेन्स्कीले अमेरिकाको आलोचना गरेका थिए। त्यसपछि अब डोनाल्ड ट्रम्पले जेलेन्स्कीलाई निशाना बनाएका छन्।
सामाजिक सञ्जाल वेबसाइट ट्रुथमा एक लामो पोस्टमा उनले लेखे, “एकछिन सोचौं। एक औसत कमेडियन भोलोदिमिर जेलेन्स्कीले अमेरिकासँग साढे तीन सय अरब डलर मागे ताकि उनी त्यस युद्धमा होमिन सकून् जुन उनी जित्न सक्दैनन्।”
उनले लेखे, “त्यस्तो युद्ध जुन सुरु नै हुनु हुँदैन थियो। एउटा यस्तो युद्ध जसलाई उनी अमेरिका र ट्रम्प बिना अन्त्य गर्न सक्दैनन्। अमेरिकाले यस लडाईंमा युरोपभन्दा २०० अरब डलर बढी खर्च गर्यो। जहाँ युरोपले आफ्नो खर्च गरेको रकम फिर्ता पाउनेछ त्यहाँ अमेरिकाले केही पाउने छैन।”
“जो बाइडेनले यस मामिलामा समानता किन माग गरेनन्। जबकि यो लडाईं हामीभन्दा कहीं बढी युरोपको लागि महत्वपूर्ण छ। त्यसमाथि रोचक कुरा यो छ कि जेलेन्स्कीले स्वीकार गरे कि हामीले जे जति पैसा उनीहरूलाई दियौं त्यसको आधा रकम हराएको छ। उनले देशमा चुनाव गराउन अस्वीकार गरे।”
उनले थप भने, “युक्रेनमा उनको लोकप्रियता एकदमै कम भएको छ। एउटै कुरामा उनी सिपालु छन्। र त्यो यो कि उनले बाइडेनलाई आफ्नो इशारामा नचाए। यस बीच हामी रूससँग वार्ता गरेर यो लडाईं अन्त्य गर्ने प्रयास गरिरहेका छौं। सबैले मान्छन् कि केवल ट्रम्प प्रशासनले मात्र यस्तो गर्न सक्छ।”
“बाइडेनले त्यस्तो प्रयास नै गरेनन्, युरोप युक्रेनमा शान्ति स्थापना गर्न असफल रह्यो जबकि जेलेन्स्की चाहन्छन् कि यो सब यसरी नै चलिरहोस्।”
“म युक्रेनलाई माया गर्छु तर जेलेन्स्कीले धेरै नराम्रो गरे। उनको देश टुटिसकेको छ र लाखौं मानिसहरू अनावश्यक रूपमा मृत्युको शिकार भएका छन्।”
यसअघि जेलेन्स्कीले आरोप लगाएका थिए कि युक्रेनको बारेमा रूसले धेरै गलत सूचनाहरू फैलाइरहेको छ। उनले भनेका थिए, “म राष्ट्रपति ट्रम्पको पूर्ण सम्मान गर्छु तर भन्न चाहन्छु कि उनी गलत सूचनाहरूको संसारमा छन्।”
स्रोत: बीबीसी हिन्दी
