गैरआवासीय नेपाली संघको १० औँ एसिया-प्रशान्त क्षेत्रीय सम्मेलन कम्बोडियामा सम्पन्न

नोम पेन्ह। गैरआवासीय नेपाली संघको १० औँ एसिया-प्रशान्त क्षेत्रीय सम्मेलन- ‘संगम’ २०२५ मार्च १८ देखि १९ सम्म कम्बोडियाको राजधानी नोम पेन्हमा “संगम–एकता” भन्ने नाराका साथ भव्य रूपमा सम्पन्न भएको छ।

सम्मेलनमा नेपाल सरकारका संस्कृति, पर्यटन तथा नागरिक उड्डयन मन्त्री माननीय बद्री प्रसाद पाण्डे प्रमुख अतिथिको रूपमा उपस्थित थिए। साथै कम्बोडियाका परराष्ट्र राज्य मन्त्री डा. यून केहाङ, नेपालका पूर्व कानून मन्त्री पदम गिरि लगायत विशिष्ट व्यक्तिहरूको उपस्थिति रहेको थियो।

३० देशका तीन सय भन्दा बढी प्रतिनिधिहरूको सहभागिता रहेको यस सम्मेलनले विशेष गरी नेपाल र कम्बोडियाबीचको सम्बन्धलाई नयाँ उचाइमा पुर्याउने र पर्यटन क्षेत्रमा नयाँ सम्भावनाहरू खोज्ने काम गरेको छ।

सम्मेलनका मुख्य उपलब्धिहरू
– गैरआवासीय नेपालीको नागरिकता सम्बन्धी कानूनी प्रावधानको कार्यान्वयन
– विदेशमा रहेका नेपालीहरूको मताधिकार सुनिश्चित गर्ने पहल
– नेपाल-कम्बोडिया पर्यटन सहकार्य र बुद्ध सर्किट विकास
– एनआरएन डेभलप्मेन्ट फण्डको कार्यान्वयन
आगामी ११ औँ एसिया-प्यासिफिक सम्मेलन चीनमा आयोजना गर्ने निर्णय गरिएको छ।





Comments

comments

129891