काठमाडौं। भाटभटेनी सुपरमार्केटले कोटेश्वर शाखाका सुरक्षागार्ड दुलप्रसाद पराजुलीलाई ५ लाख रुपैयाँ नगद पुरस्कारसहित पाँच ग्रेड बढुवा गरेको छ।
चैत १५ गते तीनकुनेमा भएको राजावादीको उग्र प्रदर्शनपछि सुपरमार्केटमा लुटपाट गर्न आएका समूहलाई रोक्न गरेको साहसिक कार्यको कदर गर्दै भाटभटेनीका संचालक मीनबहादुर गुरूङले पराजुलीलाई सम्मान गरेका हुन्। उक्त घटनाको भिडिओले सामाजिक सञ्जालमा व्यापक चर्चा पाएको थियो।
यस घटनामा संलग्न ९ जना आरोपीलाई प्रहरीले नियन्त्रणमा लिई अनुसन्धान गरिरहेको छ। लुटपाट र तोडफोडबाट भाटभटेनीलाई करिब ८० लाख रुपैयाँ बराबरको क्षति पुगेको जनाइएको छ।
