न्युज डेस्क / एचकेनेपाल डट कम –
हङकङ, ४ अप्रिल। चीनको मुख्य भूभागमा लाइभ स्ट्रिम टुर गरेपछि युट्युब मेगास्टार आईशोस्पीड शुक्रबार हङकङ आइपुगेका छन्। उनले कजवे बेमा घुमफिर गर्नुका साथै ओसन पार्कमा पाण्डाहरू हेरेका छन्।
गत वर्ष “स्ट्रिमर अफ द इयर” को उपाधि जितका २० वर्षीय अमेरिकीले एसएआर फुटबल टी-शर्ट लगाएर प्रशंसक र पसलेहरूसँग अन्तरक्रिया गरे। शुक्रबार साँझ उनको युट्युब लाइभस्ट्रिम १ लाख ६८ हजार मानिसहरूले हेरिरहेका थिए।
स्पीडको नामले चिनिने आईशोस्पीड आफ्नो नाटकीय र अतिरञ्जित व्यक्तित्वका लागि प्रसिद्ध छन्। उनका विश्वभर ३ करोड ८० लाख युट्युब फलोअर्स छन्।
हङकङ आउनुअघि उनी बेइजिङ, शंघाई, चेङ्दु र चोङ्चिङ लगायत मुख्य भूभागका विभिन्न स्थानमा पुगेका थिए। त्यहाँ उनले सेलिब्रिटीहरूसँग भेटघाट गरे, शाओलिन मन्दिरको भ्रमण गरे र बीवाईडी इलेक्ट्रिक गाडी चलाएका थिए। यी सबै गतिविधि हजारौं प्रशंसकहरूले पछ्याइरहेका थिए।
बेइजिङका अधिकारीहरू र सरकारी मिडियाले उनको यात्रालाई चिनियाँ र अमेरिकी बीचको सांस्कृतिक आदानप्रदानको एक हिस्साको रूपमा प्रशंसा गरेका छन्।
