सम्पादन मण्डल विस्तार

अनेसास २०२५-२०२६ अन्तर्दृष्टि साहित्यिक पत्रिकाको सम्पादक मण्डल विस्तार भएको छ । उक्त सम्पादक मण्डलमा प्रधान सम्पादक दिनेश राज ज्ञवालीको साथमा खिमानन्द पोखरेल दीपा राई पुन, सुशीला खड्का ‛हसीना’, दिपेन्द्र जोशी निक, प्रेमिला गौचन, महता घिमिरे चापागाईं, विष्णु बिभु घिमिरे, रिजा प्रधान, महेन्द्र भट्टराई, ललित श्री, खेमराज सुबेदी, आर्यश, पुष्कर जंग थापा, अनिल कुमार निर्दोष, विष्णु वाग्ले र सुमन कार्की रहेका छन्।

नयाँ सम्पादन मण्डलले अनेसासको मुखपत्र अन्तर्दृष्टि साहित्यिक पत्रिका प्रकाशन गर्न लागेको हुँदा विधागतरूपमा आआफ्नो लेख-रचना पठाउनुहुन विश्वभरिका सम्पूर्ण कवि-लेखकहरूमा विशेष अनुरोध गरेको छ।

रचना विधा र शब्द सीमा
– कविता (हाइकु ५ वटा, मुक्तक ३ वटा, पद्य कविता ५ श्लोक, गद्यकविता १५० शब्दमा नबढाई, गजल ८ शेर नबढाई)
– कथा /लघुकथा : समसामयिक विषयमा आधारित ३,००० शब्द नबढाई
– समालोचना : ४००० शब्दमा नबढाई न्यूनतम २,५०० शब्द
– समीक्षा: शब्दसीमा ५०० शब्द
– यात्रा निबन्ध: ३,००० शब्दमा नबढाई
– नाटक एका‌ङ्की : २,००० शब्दमा नबढाई
– ललित (भावपरक) निबन्ध: ३,००० शब्दमा नबढाई

नियम
– रचना प्रीति वा युनिकोडमा टाइप गरिएको हुनुपर्ने छ। हस्तलिखित रचना स्वीकार गरिने छैन।
– रचनासँगै आफ्‌नो फोटो पनि एट्याच गरी पठाउनु पर्ने छ।
– हामीले भाषिकरूपले शुद्ध लेख-रचनाको अपेक्षा गरेका छौं।
– रचना अप्रिल ३० भित्रमा आइसकेको हुनुपर्ने छ।
– रचना छनोटको सम्पूर्ण अधिकार सम्पादक समूहमा निहित छ।
– सन् २०२६ अप्रिलभित्र छापिएका उत्कृष्ट गद्य र पद्य रचनालाई आकर्षक नगद पुरस्कार र सम्मानपत्रको समेत व्यवस्था गरिएको छ।
– हरेक विधाका उत्कृष्ट रचनालाई पनि यथोचित सम्मान गरिने छ।
पठाउनु पर्ने अन्तिम मिति : ३० अप्रिल, २०२५

अन्तर्दृष्टिको आगामी अंकका लागि रचना, शुभकामना अथवा विज्ञापन पठाउन चाहनुहुनेले यही अप्रिल ३० तारिख (२०८२ वैशाख १७) सम्ममा इमेल [email protected] मा सम्पर्क गर्न अनुरोध गरिएको छ।





Comments

comments

130277