काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज शुक्रबार उनको निवास हेपाली हाइटबाट प्रहरीले पक्राउ गरेको छ। सहकारी ठगी प्रकरणमा उच्च अदालत बुटवल इजलासको आदेशपछि उनलाई पक्राउ गरिएको हो।
विशेष सूत्रका अनुसार, उपत्यका अपराध अनुसन्धान कार्यालयको विशेष टोलीले बुढानीलकण्ठस्थित उनको निवासमा पुगेर गिरफ्तार गरेको हो। लामिछानेलाई तत्काल बुटवल भैरहवा लैजाने तयारी भइरहेको जानकारी प्राप्त भएको छ।
बुटवलको सुप्रिम सहकारी प्रकरणमा जिल्ला अदालत रुपन्देहीले उनलाई १ करोड धरौटी माग गरेको थियो। यो आदेश विरुद्ध उनी उच्च अदालत गएका थिए, जहाँ न्यायाधीशद्वय रमेश ढकाल र स्वीकृति पराजुलीको इजलासले उनलाई पुर्पक्षका लागि थुनामा पठाउने आदेश गरेको छ।
