अभिनेता टाइगर श्राफकी गर्लफ्रेन्ड दिशा पटानी अर्का अभिनेता रणवीर कपुरसँग विवाह गर्न चाहन्छिन्। यतिमात्रै होइन, उनी टाइगरलाई हत्या गर्न पनि चाहन्छिन्।
यस्तो खुलासा भएपछि बलिउडमा दिशाबारे अनेक टीकाटिप्पणी भएका छन् । तर, यी सबै कुरा वास्तविक होइनन् ।
फिल्म ‘एमएस धोनी : द अनटोल्ड स्टोरी’बाट बलिउडमा डेब्यु गरेकी दिशाले भारतीय इन्टरटेनमेन्ट पोर्टलको खेल ‘किल, म्यारी एन्ड हुकअप’मा त्यस्तो बताएकी हुन्।
यो खेलमा उनलाई तीन विकल्प दिइएको थियो– रणवीर कपुर, वरुण धवन र टाइगर श्राफ । यही खेलमा दिशाले टाइगरको हत्या गर्न चाहनुको कारणबारे बताइन्, ‘टाइगरबारे सोधिएका प्रश्नको जवाफ दिँदादिँदा म हैरान भइसकेकी छु।’ (नयाँपत्रिकाबाट)
