गायिका अन्जु पन्त अमेरिका पुगिन, डीसीबासी उत्साहित

विजय थापा –
गायिका अन्जु पन्त अन्तर्राष्ट्रिय नेपाली कलाकार समाज (इनास) अमेरिकाको आयोजनामा हुने कार्यक्रमको लागि अमेरिका पुगेकी छिन्। इनासको पहिलो प्रस्तुतीको लागि कलाकार अन्जु पन्तलाई बोलाएको हो।

अगस्त १३ तारिख आइतबार हुने कार्यक्रमको तयारीका विषयमा जानकारी दिइने उद्देश्यले पत्रकार भेटघाटको कार्यक्रम गरिएको छ।

पत्रकार भेटघाट कार्यक्रममा कलाकार अन्जु पन्तको उपस्थिति रहेको थियो भने उनले आफ्नो सर्वाधिक चर्चित गीत नबिर्से तिमिलाई एक अंश सुनाएकी थिइन् । उनले दर्शक श्रोताहरुलाई मन पर्ने गीतका कोशेलीहरु वोकेर आएको समेत बताउदै डीसी क्षेत्रका सवैलाई आउन आग्रह गरिन्।

ईनास अमेरिकाका अध्यक्ष आनन्दु लामा, ईनास अमेरिका भर्जिनिया शाखाका अध्यक्ष गोविन्ददाश श्रेष्ठ तथा रमेश मैनालीले समेत मन्तब्य राखेका थिए भने संचारकर्मीले केहि जिज्ञासा समेत राखेका थिए।

ईनासका सल्लाहकार तथा वरिष्ठ गायक मधु क्षेत्रीले अन्जु पन्तको बारेमा बोल्दै अहिले पनि नेपाली गायिकाको कमी छ र आफ्नो पालामा पनि कमी रहेको बताए।

गायक क्षेत्रीले अन्जु पन्तको गीत सुनेपछि राम्रो लागेको बताए । उनले थप गर्दै गीत गायनबाट नै भबिष्य थाहा हुन्छ भन्दै गायन क्षेत्रमा लामो समयसम्म रहेकोले हामी ज्योतिस जस्तै हुने बताए। उनले अन्जु पन्तको प्रशंसा गर्दै ईनासको सौभाग्य हो भन्दै सबैलाई अवसर नगुमाउन आग्रह गरे।