इलाम, ३ मंसिर। एमालेका अध्यक्ष केपी शर्मा ओलीले संविधान बनाउन चाहने शक्तिले माघ ८ मै संविधान जारी गर्ने दाबी गरेका छन्।
एमाले इलामको नवौं महाधिबेशनलाई सम्बोधन गर्न आएका ओलीले मंगलबार सदुमुकाममा सम्बोधन गर्दै संविधानसभाबाट संविधान जारी गरे रगतको खोलो बगाउने एमाओवादी अभिव्यक्तिको कडा शब्दमा बिरोध गरे। उनले भने,‘समयमा संविधान जारी गरे संविधानसभामा खोलो बगाउने रे। यतिका वर्ष जनताको रगतमा होली खेलेर एमाओवादीलाई पुगेन? उनले आफ्नो भाषणको आधा समय एमाओवादीको कटाक्ष गर्दै बिताएको समाचार आजको अन्नपूर्ण पोष्ट दैनिकमा छापिएको छ।
