सलमान खान विवाह नगरीकनै बाबु बन्ने तयारीमा

मुम्बई: बलिउडका चर्चित नायक सलमान खान अहिलेसम्म अविवाहित नै छन्। उनी ५३ वर्षका भए।

बेलाबेलामा उनको विवाहलाई लिएर विभिन्न गसिप बाहिरिने गर्छन् । तर उनी विवाह गर्ने टुंगोमा पुग्न सकेका छैनन्।

विवाह नगरीकन उनी बच्चा जन्माउने तयारीमा रहेको खबर बाहिरिएको छ अहिले। टाइम्स् अफ इन्डियाको एउटा रिपोर्टपछि सलमान खान सरोगेसीमार्फत पिता बन्ने तयारीमा रहेको खबर बाहिर आएको हो। यो खबरसँगै उनको विवाह गर्ने योजना पछि हटेको बताइएको छ । सलमानले आफ्ना शुभेच्छुकमार्फत आफू विवाहदेखि भाग्ने गरेको बताउँदै आएका छन्।

उनले आफूलाई बच्चा निकै मन पर्ने र बच्चाहरूसँग लगाव रहेको बताउने गरेका छन्। उनले भनेका छन्, ‘म राम्रो छोरा हुन असल बुवा बन्न सक्छु तर राम्रो श्रीमान् बन्न सक्दिनँ सायद।’ अन्नपूर्णपोष्टमा यो खबर छापिएको छ।