जनसम्पर्क समिति अमेरिकाको सभापतिमा बिष्ट निर्वाचित

विजय थापा / एचकेनेपाल डट कम –
भर्जिनिया, ९ मंसिर। जनसम्पर्क समिति अमेरिकाको दोस्रो अधिबेशनबाट आनन्द बिष्ट (गोरख बहादुर बिष्ट) बिजयी भएका छन्। उनले २८० मत प्राप्त गरी ७२ मतको अन्तरमा बिजय हासिल गरे भने उनका निकटम प्रतिद्वन्दी नेपाली जनसम्पर्क समिति अमेरिकाका निबर्तमान संयोजक बिष्णु सुबेदीले २०८ मत प्राप्त गरे।

नवनिर्वाचित विष्टले मन्तब्य राख्दै महानायक वीपी कोइरालाको सम्झना गर्दै भारतको प्रवासको बसाइबाट प्रारम्भ गरेको जनसम्पर्क समितिको अवधारणा अन्तर्गत अमेरिकामा भएको सङ्गठनमा आफू निर्वाचित हुन पाउदा हर्ष ब्यक्त गर्दै विगतका तिक्तताहरुलाई भन्दा सङ्गठनलाई आगामी दिनमा कसरी चुस्त र दुरुस्त बनाउने भन्ने विषयमा आफू लागि पर्ने नव निर्वाचित सभापति विष्टले प्रतिबद्धता जनाए।

मन्तन्य कै क्रममा अध्यक्ष पदका प्रत्याशी रहेका र निर्वाचनमा पराजित हुन् पुगेका विष्णु सुवेदी तथा अर्जुन बन्जाडेले नव निर्वाचित सभापति विष्टलाई वधाई दिदै सङ्गठनको हितमा लाग्न सुझाव दिए।

वरिष्ठ उप-सभापतिमा बिजयी भएका धनन्जय नरसिंह केसीले एकताको लागि अधिवेशन भएकोले अनेकतामा फुट हुने र एकतामा जुट हुने हुनाले अब लामो समयदेखि परेको गाँठो अब फुकिएको बताए र एकतामा विकास हुने र अनेकतामा बिनास हुने भएकोले एकता जरुरी भएकोले अधिवेशनले समाधान गर्न सकेकोमा हर्ष व्यक्त गरे।

आन्तरिक विवाद र कलहबाट लामो समयसम्म थलिएको जनसम्पर्क समिति अमेरिकाको एकताको दोस्रो अधिबेशन सफलतापूर्वक सम्पन्न भएको छ। उक्त अधिवेसनमा काँग्रेस उपसभापति राम चन्द्र पौडेलले उद्घाटन गरेका थिए भने शनिबार उद्घाटन, बन्द सत्र र आइतबार बिहान १० बजे बिहान सुरु भएको मतदान साँझ ६ बजेसम्म जारी रहेको थियो।

अधिवेशनमा नेपाली कांग्रेसका उपसभापति रामचन्द्र पौडेल, जनसम्पर्क समिति समन्वय विभाग प्रमुख एवं केन्द्रीय सदस्य अर्जुन जोशी,केन्द्रीय सदस्यहरु डा. प्रकाश शरण महत, सुरेन्द्र पाण्डे, दीपक गिरी,सभासद एवं नेपाली कांग्रेस तनहूँका सभापति ध्रुव वाग्ले, युवा नेता विश्वप्रकाश शर्मा,वरिष्ठ पत्रकार हरिहर विरही लगायतका नेताहरु सहभागी रहेका थिए।

जनसम्पर्क समिति अमेरिकाको नव निर्वाचित कार्यसमितिमा सभापतिमा आनन्द बिष्ट (गोरख बहादुर बिष्ट) वरिष्ठ उप-सभापतिमा धनन्जय नरसिंह केसी तथा उप-सभापतिहरुमा क्रमस चेत प्रसाद पौडेल, भगवान् प्रसाद मैनाली तथा धर्मराज श्रेष्ठ बिजयी भएका छन्। यसै गरि मुनिन्द्र नेम्वांग महासचिव, सचिवमा ईश्वर सापकोटा तथा भोजराज थोकर निर्वाचित भएका छन् भने कोषाध्यक्षमा विजय थुलुङ्ग बिजयी भएका छन्।

यसै गरि सदस्यहरूमा प्रमोद सिटौला, माया कडायत पौडेल, रबिन बस्नेत,अमृत भट्टराई, गोकुल ढकाल,ज्ञानेन्द्र कार्की,गोपाल बिश्वकर्मा, हरि शर्मा,हरिबोल भण्डारी, केशब बराल,किलन्चन्द्र राई,लोक ब लामा, मान्ती कु शाह, ओम भटराई ,पबिता परियार ,पिताम्बर भुषाल, सन्तोष पहारी, सुभेन्द्र रानाभाट, सुबास लामा तथा सुन्दर कु गुरुगं बिजयी भएका छन्।